CLICK HERE FOR BLOGGER TEMPLATES AND MYSPACE LAYOUTS »

عـنــــي أنـــــــــا

صورتي
انسان يزعم أنه صاحب قضية .. في زمان بيعت فيه القضية


-----------------------------

جميع الحقوق محفوظة ، كافة المواد المنشورة في هذا الموقع محفوظة ومحمية بموجب قوانين حقوق النشر والملكية الفكرية لا يجوز نسخ هذه المواد أو إعادة إنتاجها أو نشرها أو تعديلها أو اقتباسها لخلق عمل جديد أو إرسالها أو ترجمتها أو إذاعتها أو إتاحتها للجمهور بأي شكل دون الحصول على إذن كتابي مسبق

حـجــات فــاتت

الخميس، 18 سبتمبر 2008

مصــــر المــــوازيـــــه ...

آه يبـــلد حقــي فيهـــا ضـــــاع
بتعــــاملينـــي لــَـوي دراع
علــى راســـك مــرفوع اللـي بــاع
والمخلـــص تسقيـــه اوجــــاع
لجـــــل فيـــكي نعيـــش ملبســانا قنـــاع
يـــا أم عاهـــره إبنـــها جـــاع
حــراميـــكي لـُــه مقـام وصـيــتو ذاع
وحــاميــكي تحت الأقــدام وحـــالو صــاع
بـالحــديد والنـــار ظــلمك فيــنا شــاع
ضحكـنــا , بكــانا ، شكــوانا كـلو إصطنــاع
بــس إحـترســـي وإتقــي شــر من طـــاع
يقلـب عليكــي الطربيـــزه و ضيــاع بضيـاع
2LBGARE2


19 قــل .. فـأ نـا احترم رأيك:

صباح الصباح يقول...

عمدة..

صدقت بجد واللى بيحصل فى البلد دة اخرتة ثورة جياع

بس لية ملاحظة صغيرة لو سمحت لى

*جملة بس احترسى: متهيالى كان يبقى احسن لو استعملت العامية مكان الفصحى وهيبقى وقعها اشد

**(ةهة ضياع بضياع) التعبير هايل بس مش احسن لو كان (وضياع بضياع) على طول لان فيها استبياع لكل شىء

دمت بكل الود

☼♫♪ عمــاد الدين يــوسف ☼♫♪ يقول...

صباح الصباح
شكرا على التعقيب ، وانا غيرت البيت زي مقولت وفعلا لقيت وقعو احلى انما _إحترسي_
اعذرني انا اسف شايف انها كده معقوله
تحياتي

دعاء مواجهات يقول...

يـــا أم عاهـــره إبنـــها جـــاع


كلمه موجعه اوى

ومش معاك فيها بجد

ياريت تغير البيت دة

مصر ملهاش ذنب
الذنب ذنب الناس اللى واكلينها

تحياتى

غير معرف يقول...

فى ناس بيقولوا البلد هتفضل كده

و مفيش حاجه هتتغير

انا نفسى الثوره تحصل

حتى لو مت فيها

اهو

احتمال يطلع من وسطها قائد

يصلح خراباها تانى

أختكم فى الله يقول...

حقيقى والله

كلام رائع

ربنا يستر علينا ويصلح احوالنا

كلام على بلاطة يقول...

كل عام وانت بخير

طوبه فضه وطوبه دهب يقول...

احيك على الكلام القوى ده بجد بيدل انك موجوع بس بجد ليس لنا الا الله ولا نستطيع ان نقول حسبنا الله ونعم الوكيل ويصبرك ويصبرنا ربنا تحياتى

نـــــور يقول...

ياربى
الكلام موجع انهارده
ايه الالم ده اعماد
للاسف معاك حق ف كل كلمه قلتها

ندا منير يقول...

عجبنى اخر كلمتين
قوى
وشايفة ان المصريين فيهم طاقة كبيرة قوى
لو طلعت بجد هنبقى حاجة تانية
لكن كل واحد خايف يطلعها

maxbeta3zaman يقول...

القلب الجرىء
أول زياره لبلوجك واتمنى لك التوفيق دوما ..انت ثورى والكلام متدفق ومعبر عن حاله غليان عامه ..أما النواحى الفنيه ..فتحتاج القصيده لضبط الجرس يعنى وزن الأبيات بحيث انك لما تقراها تقدر تدق بيدك على الطاوله كده برتم منتظم مع شطرات الأبيات ..ده قصدى طبعا ده لايقلل من قيمة الفكره ولا الموضوع وإنما هو الشكل الجمالى العام سرنى الحماس وأواصل التجوال فى باقى البوستات

engy يقول...

ربنا معانا بس اللى يضايق بجد ان احنا كلنا بنتكلم وهو ايه اخره الكلام
انت قلتها بنفسك
حــراميـــكي لـُــه مقـام وصـيــتو ذاع
وحــاميــكي تحت الأقــدام وحـــالو صــاع
كل سنه وانت طيب

غروب يقول...

يالهووووووى

ايه ده .....ده الحياه بهت هباب خاالص

الكلام حلو معبر اوى

بس فعلا الجمله بتاعت

يا ام عاهره ابنها جاع

صعبه اوووووووووووووووى اووووووووووى
الواحد لما بيقراها بيتوجع فعلا؟؟؟؟ظ

بس الكلام ف حد ذاته جمييييييييل

تقديري

"عبير النجار "نيجار يقول...

السلام عليكم
مدونتك جميله
ورباعياتك رائعة وكلماتك كلها إحساس
بالواقع
تحياتي

engy يقول...

انا قريت المدونه كلها لاخرها
بجد حلوه اوى ورباعياتك رائعه
ورسالتك لمبارك لغايه يا مصرى
كل سنه وانت طيب

كـــيــــــــارا يقول...

بـالحــديد والنـــار ظــلمك فيــنا شــاع
بــس إحـترســـي وإتقــي شــر من طـــاع
يقلـب عليكــي الطربيـــزه و ضيــاع بضيـاع

-------------
بجد جامدين جدا جدا ومعبرين

دائما اراك مبدع
تحياتي

أكون أو لا أكون يقول...

*علــى راســـك مــرفوع اللـي بــاع
والمخلـــص تسقيـــه اوجــــاع*

هذا البيت مؤثر ... ولايعبر عن الوطن فقط... إنما عن تعامل البشر بعضهم البعض...
ويذكرني بالمثل المعروف ... إفعل خيراً... تلقى شراً...
تسلم أخي عماد...

☼♫♪ عمــاد الدين يــوسف ☼♫♪ يقول...

دعاء مواجهات
اهلا بيكي ضيفه عزيزه وعلى فكره انا قصدي مصر المحتكرين ورجال الاعمال الي تزاوجو بالسلطه ومصر التعذيب في الاقسام لانتزاع اعتراف قسري ومصر الكافيهات الي تعم بجميع انواع الدعاره ومصر المجاري الطافحه ومصر الدويقه ومصر العباره ومصر اكياس الدم الملوثه ومصر التسقيع واغتصاب الافكار والمحسوبيه والفساد والرشاوي وتحت الطربيزه ومصر تزوير الاصوات ومصر الاعتقالات والمحاكمات العسكريه وتكميم القضاه وملاحقة المعارضين وتنكيل اصحاب الرأي وترويض وتسخير الدين ورجاله
اظن كل دول ليهم مصر بتاعتهم
تحياتي
=======================

magn0lia
للاسف وصلو بينا اننا نتمنى الثوره تحصل ولو ده حصل هيكون ضررها اكبر من اصلاحها وربنا يستر ولازم نتمسك بأملنا في ربنا
تحياتي
=======================

اختكم في الله
اللهم اجعل ساعة دعائك ساعة اجابه وان يصلح احوالنا
تحياتي
=======================

كلام على بلاطه
شكرا لمرورك الطيب
=======================

طوبه دهب وطوبه فضه
طبعا انا موجوع لبلدي بس انتي قولتيها كل الي نقدر عليه اننا نقول حسبي الله ونعم الوكيل
تحياتي
=======================

habiba
سعات كتير الحقيقه بتوجع وللاسف كل الي انا بكتبو من الحقيقه السوده الي عايشينها
تحياتي
=======================

ندا منير
طبعا المصريين فيهم طاقه كفيله تغير العالم مش بس مصر بس للاسف هنفضل جنب الحيط لحد ما دخلنا جو الحيط وهنلبس في الحيط
تحياتي
=======================

maxbeta3zaman
اهلا بيك في اي وقت وانت نورتني بوجودك وبنصيحتك وانشاء الله اجتهد في القادم
تحياتي
======================

engy
نورتيني وشكرا على مرورك بس لازم نتكلم ومش لازم ابدا نسكت لان ربنا هيحاسبنا على سكوتنا
تحياتي
=====================

كيارا
شكرا على هذا الاطراء الرقيق
تحياتي
=====================

اكون او لا اكون
شكرا على المتابعه والمرور
تحياتي

عبرات الكلمة يقول...

اسمحلي سيدي الكريم بإبداء فائق اعجابي
بإطلاعك الواسع وثقافتك اللا محدوده
وخليها على الله فالكل في هذا الزمان يعاني بشكل ما وأسوأ المعاناه ان يعاني شعب بالغربه في وسط أوطانهم التي عمرتها أيديهم.... فصبر جميل والله المستعان على ما تصفون .

☼♫♪ عمــاد الدين يــوسف ☼♫♪ يقول...

نيجارا
اسف جدا على تاخر الرد على تعليقك وان كان ليس ذنبي ولا اعلم لماذا تاخر ظهور تعليقك
عموما شكرا جزيل الشكر على المرور وانشاء الله اشوفك على طول معانا
تحياتي
================

عبارات الكلمه
شكرا جزيلا على هذا الاطراء الغالي وانه لشرف ان تنال اعمالي ثنائك
واتمنى دوام التواصل
تحياتي