CLICK HERE FOR BLOGGER TEMPLATES AND MYSPACE LAYOUTS »

عـنــــي أنـــــــــا

صورتي
انسان يزعم أنه صاحب قضية .. في زمان بيعت فيه القضية


-----------------------------

جميع الحقوق محفوظة ، كافة المواد المنشورة في هذا الموقع محفوظة ومحمية بموجب قوانين حقوق النشر والملكية الفكرية لا يجوز نسخ هذه المواد أو إعادة إنتاجها أو نشرها أو تعديلها أو اقتباسها لخلق عمل جديد أو إرسالها أو ترجمتها أو إذاعتها أو إتاحتها للجمهور بأي شكل دون الحصول على إذن كتابي مسبق

حـجــات فــاتت

السبت، 20 سبتمبر 2008

الشعـــب النمرود...

** مالك يمصري ماشي تايه وشارد وشايل فقلبك هموم

** مع إنك واكل وشارب ومتعالج ومن اغلى نوع لابس هدوم

** لا عندك ضغط عالي ولا ضغط واطي ولا ضحايا وبائي وسرطان كل يوم

** بتشم هوى نضيف وصحي وخفيف مش من حرق قش غازات سامه وغيوم

** ماشي بتكاله ومعلي الغزاله ومفوض امرك للحي القيوم

** خضارك وش قفص وصابح ووشك منور وواضح ولاعيشك مسرطن ولا فـ اكلك سموم

** ولا إتاخدت قسم بالي بالك وحطو وشك تحت نعالك وعلى قفاك اتختمت وطلعت مشتوم

** إيه يعني الف ويـ للحج طلبو وفـ عرض البحر طبو مأبو وكتير فطس غير الي قضاها عوم

** إنت باينك نمرود ناكر الخير والمجهود غاوي اعتصامات إزعاجاً للسلطات في اغلب العموم

** او ممكن عميل غاوي إحلال وتبديل وياحسره ولا بتحل ولا تبدل ومصيرك محتوم

2LBGARE2


12 قــل .. فـأ نـا احترم رأيك:

غروب يقول...

ههههه اول تعليق

نياهاهاهاهاها

جميل اوى يا استاذ عماد

احنا فعلا شعب نمرود عايزين ايه اكتر من كده الحكومه تقطع نفسها يعنى شئ غريب والله

كلامك فكرنى بمسرحيه محمد صبحي لما كان بيقول

( شعبي الجميل الودود المهاااااود)

ههههههههههههه

تسلم ايدك ضحكتنى والله

غير معرف يقول...

و الله زعلتنى اوى اوى اوى

او انا بقالى كتير مش بكمل يوم مش زعلانه من حال البلد دى

تعبت خلاص

و كلنا تعبنا

الشعب ده غلبان اوى بجد

تحياتى

كـــيــــــــارا يقول...

مممممممممم

مكنتش فاكره اننا كده

اننا وحشين كده

ومش مقدرين كده

لالالالا احنا وحشين خالص

تحياتي للشعب اللي مش عاجبه العجب

اسجل دائما اعجابي بكلاماتك ياعماد

تحياتي

كيارا

Bob يقول...

انا معاك حلوة اوى السخرية دى يامان

نـــــور يقول...

عندك حق
انا مش عارفه الناس دى بتعمل كده ليه؟
مالهمش حق صحيح !!!!!!!!

غير معرف يقول...

السلام عليكم
حلوة على فكرة وفعلا احنا ناقمين للنعمة الى فى ايدينا ومنستحقهاش
هههههههههههههههههههههه
المهم انا بس عايزة اسأل انت لية بتجيب الحاجات الى انت كاتبتها زمان اصلى قرأت الكلام دة كلة قبل كدة عندك
عموما مش مشكلة
نيرة احمد محمود

غير معرف يقول...

ماشى يا زعيم أنا هرغى براحتى خالص .
اولا : واحشتنى جدا المدونة بتاعتك . عشان بقالى كتير مكتبتش ليك حاجة . بس ده ميمنعش انى كنت لازم أشوفها يوميا . وثانيا : بسجل أعجابى اللى بيذيد يوم عن يوم برئيسى فى الموهبة وملهمى فى الابداع . ومش عندى كلام جديد اقوله لو تفتكر أنا قولت فيك رأى من زمان . و أكيد هفضل أنا اول المعجبين بكل اللى بتكتبه .
donea

صباح الصباح يقول...

اختيار موفق جدا للصور يا عمدة

كمان تعبتنى جدا جملة راسك تحت نعالك قاسية اوى بس للاسف دى حقيقة الواقع المرير لمن يفترض انهم حماة الوطن

☼♫♪ عمــاد الدين يــوسف ☼♫♪ يقول...

saso
شكرا على مرورك وانا مش عارف فعلا الناس ديه يا ولداه هتعمل معانا ايه تاني
تحياتي
====================

magn0lia
انتي تعبتي من البلد وانا جالي قولون عصبي وباخد ادويه من البلد وربنا يستر
تحياتي
====================

كيارا
شكرا على المرور وتعقيبك
وبجد الشعب ده المفروض يسيب البلد ويدورلو بلد تانيه
تحياتي
===================

بهاء
شكرا يحبي على المجامله ومرورك
تحياتي
===================

habiba
مش انا بقولك شعب نمرود ..اخص علينا بجد
تحياتي
===================

نيره احمد
شكرا على مرورك وبخصوص اعادة نشر اعمال نشرت بالفعل فالهدف من ذلك ان تاخذ حقها في التعليق والمشاهده فقط لا غير
تحياتي
===================

الصحفيه الكبيره منى العيسوي
نورتيني وحمدلله على السلامه واشكرك على هذا الإطراء وانه لشرف لي ان تنال اعمالي اعجابك
دمتي بخير
===================

صباح الصبح
حبيب قلبي سعات كتير تكون الحقيقه صادمه
ومؤلمه
تحياتي

غير معرف يقول...

بجد بحييك على البلوج الجامد ده
كل سنة وانت طيب على رمضان اللى هيخلص وعلى العيد اللى جاى
جبت هدوم العيد ولا لسه...

طوبه فضه وطوبه دهب يقول...

جميل اوى الكلام بس للاسف كل ما الواحد بيسمعه بيحزن على اللى احنا فيه ربنا يصبرنا بدل ما نطق نموت تحياتى لاستاذ الواقعيه وصاحب القضيه

ندا منير يقول...

ما شاء الله عليك
اسلوبك رائع جدا فى الكتابة
بجد ربنا يوفقك يارب