CLICK HERE FOR BLOGGER TEMPLATES AND MYSPACE LAYOUTS »

عـنــــي أنـــــــــا

صورتي
انسان يزعم أنه صاحب قضية .. في زمان بيعت فيه القضية


-----------------------------

جميع الحقوق محفوظة ، كافة المواد المنشورة في هذا الموقع محفوظة ومحمية بموجب قوانين حقوق النشر والملكية الفكرية لا يجوز نسخ هذه المواد أو إعادة إنتاجها أو نشرها أو تعديلها أو اقتباسها لخلق عمل جديد أو إرسالها أو ترجمتها أو إذاعتها أو إتاحتها للجمهور بأي شكل دون الحصول على إذن كتابي مسبق

الخميس، 16 أكتوبر 2008

عندما تتخــلى عنك حــواسك


الـلـي يـحــــب النـــبـــي يــــزؤ
وسِــع الـمــوضــوع بـــقى يــلـــُـؤ
العـــيـــن شــايفه ومـقــفول الــــبـُـؤ
خــــلاص مــعــُــدناش حمــل تــُـؤ
نقــولها فـعــين الــخــــبـُـؤ
وأرهـــنك لو معــاه تـــبؤ
نســيب دحــديـره نــخــُـش حــُـؤ
لــما وقــف الـقــلب وبــطـّـل يــدؤ


2LBGARE2

23 قــل .. فـأ نـا احترم رأيك:

أختكم فى الله يقول...

كلمات جميلة


معلش لو كنت مقصرة فى متابعة جديد حضرتك

آلاء يقول...

مدونتك جميله ما شاء الله انات اول مره ادخل عند حضرتك يا رب اكون ضيفه خفيفه

بس ان شليفه ان هي متخليتش عننا احنا اللي مش مخلينها تشتغل

mohamed ghalia يقول...

أستاذى الغالى
نعم إنه إحساس مؤلم أن ترى ولا تستطيع أن تتكلم
أنا اسمع وأرى ولا أتكلم
ولكن حتما سيأتى يوم نتكلم ونعمل
تحياتى
دمت بود

كـــيــــــــارا يقول...

فللللللللللللللللللللل


اشطه ياعماد بجد

Sweet Violet يقول...

اكيد هايجى اليوم و نقول تؤ و نعمل بيها

elsha3er يقول...

اية دة يا عمدة انا حتنفسنى فى العامية كمان ياعم دة انا غلبان جميلة ياعمدة والله

احمد الشاعر

أمل حمدي يقول...

تؤ تؤ تؤ

ايه الجمال العامي دا

بجد تسلم ايدك

سلام

انا ها ازؤ

اهالينا زهقوا يربونا يقول...

هالوووووووووووووو

قشطه عليك ....ميه ميه يا معلم

كلام في الجون وموزووووووووون من دماغ متكلفه

ربنا يتر ومتروحش اللومان قريب
سامو عليكو

ندا منير يقول...

يالا هزؤ معاك اهو
عشان تعرف خدماتى بس

والمرة دى كلماتك مختلفة عن كل مرة
بس جميلة برده

دعاء مواجهات يقول...

جميله اوى كلماتك العاميه

وينبع الجمال من البساطه والتلقائيه

تحياتى ليك

طـائر الليــل الحـزين يقول...
أزال المؤلف هذا التعليق.
طـائر الليــل الحـزين يقول...

الـــــــــــف مبــــــــروك يـــا أحــــلى عمـــــدة . يــارب أشوفـــــك كاتب وشاعـــــر كبير . وكلمتك يتعملها الف حساب .
وأكيـــــد قريب
تحيــــــــــااااتى

طـائر الليــل الحـزين يقول...

عمـــــدة
كلنا بنحب النبى . وأكيد عندنا أستعداد نزؤ . اللـــــــــه عليك يا زعيم . بجد اى حاجة بتكتبها بتبقى حلوة . سواء عامى او حتى لغة عربية بعينها . وده طبعا دليل على تمكنك الهايل . ويارب نقدر نقول رأينا فى عين الخبؤ وكمان نقدر نفتح البؤ
تحيــــاتى يا احلى مدير

نيرة و منةالله يقول...

ههههههههههههههههههه
مش فاهمة تلاتاربع الكلام
خبؤ و تبؤ
بس الى حد ما انت بتقول ان...........................
ان...........................
اننا ......................
ممممممممممممممممممممممم
اننا مش عارفين ناخد حقنا
:)

كريم مصطفي سيد يقول...

السلام عليكم
كلمات جميله
الله ينور
اول زياره واتمني التواصل

حـــــدوتـــــة يقول...

السلام عليكم

والله جامدة اوى
وبعدين القافية دى جديدة
ومسمعتهاش قبل كده

سلالالالالالالالالالالالالالالالالالالالالالالالالالالام

نور الدين (محمد الجيزاوى) يقول...

السلام عليكم
مرورى الاول ولا ادرى كيف ضل قلمى عن سبيلك طويلا لا سيما انى وجدت هاهنا منارة بيضاء


مررت على اغلب تدويناتك واعجبتنى صرختك وهى مدوية من جوف هزائم حريتنا المتتاليات ونابعة من لوعة ألم أمتنا المطحونة تحت رحى الظالمين
واشجتنى غاية الشجن اغنيتك حتى وجدتنى اردد معها نعم نعم انا المصرى بكل جبروته
ولكنه جبروت داخل قارورة مسحورة ولا نملك كلمات استحضار عفريتها الحارس

لك منى تحيات ولنا لقاءات متعددة تحت سماء المداد الغائمة والتى عما قليل ستمطر لكن لا بماء وانما بحمم الغضب وشواب من صرخات المكبلين والمظلومين فى قيدنا الكبير المسمى (وطن)
تحياتى لك
............
نور الدين محمود

Lady E يقول...

لــما وقــف الـقــلب وبــطــل يــدؤ

عندك حق

بجد تسلم ايدك

☼♫♪ عمــاد الدين يــوسف ☼♫♪ يقول...

اختكم في الله
شكرا لمرورك وتعقيبك ، وتقصيرك لو كان لخير فعذرك معك وإن كان لا قدر الله لضائقه اسأل الله ان ييسر ويصلح الحال
تحياتي
==============

آلاء
اهلا وسهلا بضيفتي الغاليه واتمنى ان تظل اعمالي الفقيره عند حسن الظن .
حواسنا بتتخلى عننا لما تقرف وتزهق مننا
تحياتي
==============

mohamed ghalia
اخي الفاضل العفو ، انا مش استاذ
انا اخوك عماد
اشكرك على المتابعه وبجد شرف ليا وجودك معايا تؤازرني وتشاركني منبري
تحياتي
==============

كيــكـــــو
شكرا يعسل على التعقيب ، وبرضو مش طمنتيني عملتي ايه
تحياتي
==============

ضـــد
اكيد اليوم جاي باذن الله ، المشكله مش في مجيه ، ولكن في شاكلة مجيه
تحياتي
==============

احمد الشاعر
حبيب قلبي بجد انا سعيد برجوعك ولونو مكنش ليه لازمه تقلقني عليك كده
وبعدين يعم العفو دنت الاستاذ وانا اللي بتعلم منك
تحياتي
==============

ماما اموله
بشكر حضرتك على تعليقك الجميل
وانشاء الله كلنا نقول تؤ للحد ما ريقنا ينشف ههههههههههه
تحياتي
==============

اهالينــــا
اهلا وسهلا بااحلى خمس بنانيت في عالم التدوين وعايزين نشوف اعمال قويه زي بدايتكو الجميله
تحياتي
==============

ندا منير
اختي الغاليه ندا ، انا مقدر كويس اوي خدماتك وزأك ليا في كل بوست بقدمه وأد أيه انتي بتشجعيني وبتديني شحنة نشاط ، بس خدي بالك لاتكهرب ههههههههه
تحياتي
==============

دعاء
شكرا لمرورك العطر وثنائك على اعمالي المتواضعه
تحياتي
==============

مونمون
الف شكر يباشا على التهنئه ويارب تقوميلنا بالف سلامه وترجعي تشجينا بكلامك الجميل تاني
تحياتي
==============

نيره
لالا كده ازعل منك لازم تسألي عن معاني الكلمات وتعيدي قراءة الموضوع تاني واسمع رايك لانه يهمني
تحياتي
==============

كريم مصطفى السيد
الاخواني المميز تحياتي ليك ويشرفني ويسعدني تواجدك واعدك بالتواصل باذن اللله
==============

حدوته
تسلم يباشا واشكرك على التشجيع
تحياتي
==============

نور الدين محمود
اخي الفاضل الكريم
زهوت كثيرا بمرورك واعجابك بالتدوينات
والله اسال ان اظل عند خير ظن
تحياتي
=============

lady e
شكرا على التعقيب ، وفعلا بطلة معظم قلوب الناس تدق إلا لحياة بائسه
تحياتي

نيرة و منةالله يقول...

نعم
انا بسألك انت على معانى الكلمات
مش تقولى لالا لازم تسألى على معانى الكلمات
اااااااااه
انت شكلك مش عارفها
ممممممممممممممم
والا ايه
لالا انا بجد حتى معرفش حد بيستعمل الكلمات دى اساسا
فهاسال مين
وهيستغربوها اصلا زيى كدة ويسألونى يعنى ايه الكلمات الى انتى بتسألينا عنها دى عموما هقرا واحاول افهم واحاول اجى تانى
سلامات

نيرة و منةالله يقول...
أزال المؤلف هذا التعليق.
☼♫♪ عمــاد الدين يــوسف ☼♫♪ يقول...

اختي الغاليه نيره
بصي يستي : معني يلؤ : يعني لما حد بيقولك خبر مستحيل ، مش بنرد نقول : لا دي واسعه شويه .... ديه بتلؤ
يعني اللي بيحصل في مصر وسع اوي وبقي مستغرب ومن كتر وسعه بقى يلؤ . يارب تكوني فهمتي دي .

الخبؤ : الانسان التافه طبعا بلغتنا نحن ولاد البلد

تؤ : الحرفين اللي بقولهم واحنا مضايقين
( السأسأه )

الحؤ : الشق الديق زي الحفره كده

يارب اكون قدرت اوصلك المعنى

تحياتي

نيرة و منةالله يقول...

هههههههه
ميرسى اوى يا عماد بجد انا كدة فهمت تمام التمام
وادينى اتعلمت كلمات جديدة
:)
هابأة اتمنظر بيها هلى العيال
هههههه
شكرا