CLICK HERE FOR BLOGGER TEMPLATES AND MYSPACE LAYOUTS »

عـنــــي أنـــــــــا

صورتي
انسان يزعم أنه صاحب قضية .. في زمان بيعت فيه القضية


-----------------------------

جميع الحقوق محفوظة ، كافة المواد المنشورة في هذا الموقع محفوظة ومحمية بموجب قوانين حقوق النشر والملكية الفكرية لا يجوز نسخ هذه المواد أو إعادة إنتاجها أو نشرها أو تعديلها أو اقتباسها لخلق عمل جديد أو إرسالها أو ترجمتها أو إذاعتها أو إتاحتها للجمهور بأي شكل دون الحصول على إذن كتابي مسبق

حـجــات فــاتت

الاثنين، 29 سبتمبر 2008

قصيدتي التي كتبتها في الذكرى الستين للنكبه ...ستون على الزلزال..




زلزالٌ حل فينـــا حطم الأوصــــال
ذلــت له هاماتنــا تحـــت النعـال
حكـّـم فينـا سفهـاء القـوم والبغــال
سـَـلب منا خضـار الحـقل والأنســال
فرقنــا دولاً وعصبــاً وجماعاتٍ وآل
تســلل إلى وجداننا محققـاً شـر منـال
أقعدنا عــداً لمــال ٍ خوفـاً من قتــال
صرف همنــا لحياة ٍ مقيته وفــم عيـال
آلـت بعـده ضمائرنا وعروبتنا بئـس مـآل
قتـل الحيـيُ فينا واغتـال مرؤة الخصــال
وصار سـلاحنا شجـب وتنديـد ومقــال
وأسفـاً على الارض كما الذبيحة دمنا سـال
وعبثـاً بعثـنا برقيـات التهنئة والآمـــال
ولم نعـد نـرى او نسمـع صـوت رجــال
فـإن لا تنفـروا يعـذبكـم وصـدق إذا قـال
وأعدوا لهم ما استطعتم واعتصموا من الله بحبال
وبـإذنه لن تــَجـِدًّ ستون حتى نـُحدِث نحن الزلزال
2LBGARE2

السبت، 27 سبتمبر 2008

الـــــــشـــــرعــــــــــــــيــه ..



قالوا عــُـصبة فقـدت الأهــليه
يـسـعون لهجــرة غير شرعيـه
تحـاملوا عليـنــا ســلبونا الأهمــيه
وأسقـطوا عنـا نــسـب الآدمــيه
نـسـجوا حـولنـا هــالة وهـمــيه
خـونه ، عمـلاء ، بل شرذمة همـجيه
شـهداءٌ نحن أم فرقـة انتحــاريه
صَـعــُـبة في أمــرنا مــسألة فقهــيه
ألقـــاب صــرنا ودفـنــت القــضــيه
ايــها الســـاده ، لنوضــح الهويــه
من مـقـتـبــل العــمر فـئــة عمــريه
جــف رحــيق زهــورهــا النـــديه
تــداعت علــيها الذئــاب كمـا الضـحــيه
ســُـلبنا حــق العيــش والمــلكــيه
أرهقــتنا الـسواقي طـوافــاً كالرعــيه
أزهــقت أرواحنــا كوارث إغـتـيــاليه
على لائــحة المــوت إختيارات مزاجيـه
قطــار أو عبـّـارة أو حوادث دمــويـه
تلوث مياه أو إنهــيارات صخرية
لـعـلك من هــواة الأمراض المـُـعديه
لا تقـــــلــق
في جعبــتهم من الإختيــارات بقيه
إن لم يــكن حتــفك قصة حتمــيه
وخــضت غــمار حيــاة يـوميــه
تبنيــت رأيــاً ومـدرسة فــكريه
تصــورت نفــسك ذمــّـة قيــاديــه
تــجـرأت على الـذات السـياديــه
وكانــت لـك وجــهة سياســيه
فيــا مرحــباً بخطـابــات إعتـقـاليــه
في غـيــاهب سجون احتياطيه
وصــراع ظــلم في محكــمة عســكريه
لـيــُـقضـى نــَـحـْبـُـك في عروض هزليــه
أيـــتــها النفــس الــحرة الأبــيه
لنغــادر ارض الجــور العصيه
في رحــلة مجــهولة لا نهــائـيه
2LBGARE2

الجمعة، 26 سبتمبر 2008

كــيف تكون وطنيـا في نظر الحكـــــومه

الشباب الجد يرص ويعمر

ف طابور يتهد وقفاه يتأمر

يطـاطي الخـد لليحكم ويتأمر

مش عاجبو حد ومكانو متسمر

ولا أدو أد وديمــاً يتذمـر

بـدام جوعو سـد يبـلــط ويخمــر

معندوش أي رد غير يخرب ويدمر

مــايوم حيــلو شــد ودراعـــو شمر

قـالهــا اول جـِـد وعلينا منــمـّـر

خلص المولد وانفض والزمار بيزمــر


2LBGARE2

الخميس، 25 سبتمبر 2008

تـــــــــــــــــــــــــــــــــاج ....



الاخـــــت الكــريمه ( اختكم في الله ) صاحبة مدونة أجــــمل أيامنا قد مررت لـــــي هــــــــذا التــــــــــــــاج . وشرف لي ان ابوح لاصدقائي عن بعض من حياتي الخاصـــه وأرحمكوا شويه من النكد بتاع كل يوم ( وربنا انا خايف تكرهوني هههههههه )
نـــــــــــــــــــــدخل فــــي الموضوع وكفايـــــــــه رغـــــــي ...


1- الحالة الجسمانية بمعنى هل سيادتك تتمتع بصحة جيدة ولا الاخ صاحب مرض ؟
وأقول انا وبفضل الله في كامل قوايا العقليه والجسديه ما عدا موضوع القولون العصبي ده والي جالي من فرط عصبيتي وتأثري السريع المريع بما يحدث حولي مع العلم ان توصيات الطبيب لي بعدم النرفزه ، إلا اني اضرب بها عرض الحائط مع اول فصل ممكن يضايقني ( ومش عارف ليه شاغل بالي ميتحرق الكون بالي فيه ..... طبعا ده كلام قريني الوحش الي انا دايما اديلو على دماغة ولونو سعات ممكن يضحك عليا )
2-الحاله الاجتماعية بمعنى هل علاقتك بمن حولك جيدة ولا عامل مشاكل مع طوب الارض ؟
الحمد لله انا عمري مكان ليا حد مستتقل دمي مش كارهني حتى وده مش علشان انا ملاك لا ده من دعوات والدتي الله يمسيها بالخير
والحمد لله انا بفخر بكوني الوحيد بين اصدقائي الي ممكن الكل يحكيلو مشاكلو واسرارو وربنا بيوفقني للحلول

( وطبعا ده لاني نابغه ومفيش مني اتنين هههههههه )

3-الحاله العقلية بمعنى هل تشعر ان عقلك يعمل ولا حضرتك منيم دماغك ؟
طبـــعا وبفضل الله انا كثير التفكير حتى في الوقت الي مش بفكر فيه بفكر انا ليه مش بفكر ( حد فاهم حاجه ) وعموما خير دليل على كده توجهي الفكري واعتناقي مبادئ الانسان الحر وممكن تحسو ده من منوال كتباتي ولو مش بفكر مكونتش دخلت عالم التدوين من اساسو
4-الحاله العاطفية مش محتاجة تفسير ومش عايز استعباط ؟
الحمد لله وبفضله انا متزوج من افضل انسانه على الارض وده في مخيلتي لانها انسانه تعبت معايا وتحملتني كتير ايام الطيش ( واخد بالك انت من ايام الطيش ) وبتمنى اعمل اي حاجه ترضيها
5-الحاله الروحية بمعنى هل علاقتك بربنا كويسة ولا الكلام على ابو لهب ؟
الحمد لله علاقتي بربي في افضل حال وان كانت متقلبه بعض الاحيان وقد اخطئ تاره واصيب اخرى فنحن بشر ولسنا ملائكه ، وصدق الله حيث قال بما معنى الحديث القدسي لو لم نخطئ لذهب الله بنا وجاء بقوم يخطئون ويستغفرون الله فيغفر لهم . وهذا الحديث لا يفتح لنا باب الجرأة على الله معاذ الله ولكن يفتح لنا باب الامل والرحمه والتوبه .
-----------------------------------------------------------------
الخمس اسئلة اللى جاية دى اسئلة متنوعة

الاول : اكتر عيب فيك ونفسك تتخلص منه ؟
العيب الي بيتعبني جدا اني ممكن علشان مزعلش حد مني اضطر اني اكدب في حاجه صغنونه اوي كدبه بيضه يعني زي ما بيقولو . وده لاني بكره جدا حد يزعل مني بس بقول لنفسي يعني فلان يزعل ولا ربك طبعا المعادلة لصالح ربي في اي حال ولكن كما اسلفت الذكر نحن بشر نصيب ونخطئ .
الثانى : ايه الحاجة اللى عملتها وندمت انك عملتها قوى ؟
اني بعدت يوم من الايام عن ربنا وده كان اساس لاي عمل ندمت عليه بعد كده والحمد لله مش بحب افتكر الايام السوده ديه اعاننا الله على سداد دينه علينا وثبتنا اجمعين .
الثالث : اية الحاجة اللى لسة معملتهاش وحتموت وتعملها ؟
الحاجه الي اتمنى اعملها اني ربنا يوسع عليا وابني بيت كبير يضمني انا واخواتي وامي الحبيبه واحج بيت ربنا . وكمان نفسي ارشح نفسي لمجلس الشعب هههههههه

الرابع : اكتر دعاء بتقوله وبتردده دائما؟
اللهم فك كربي وفرج همي واسترني ولا تفضحني وإعلي شأني وإجعل لي دوراً في تغيير صالح دون اهانة لي او لأهلي
الخامس : لو عرفت انك هتموت دلوقتى وقالولك اخر حاجة نفسك فيها ايه ؟
هصلي ركعتين لله وادعي يرحمني


يارب اكون عرفت اقول كل الي في قلبي دون ان ازيف قولي
2LBGARE2










الأربعاء، 24 سبتمبر 2008

صــــمـــــت الــحــمـــــــلان ...

إلى هؤلاء خلف القضبـــان

إلى هؤلاء طـــي النسيـــان

الى هؤلاء رمز العفة والعرفان

الى هؤلاء رافضي المن والاحسان

إلى هؤلاء سجناء الرأي والإيمان

إلى هؤلاء قتلى السجان

إلى هؤلاء اسرى السلطان

نذرف لأجلكــــــم الدمــــع

يامن لأجلكم خلـــق القمع

احبائي عذراً للخذلان

نحن الجبناء ولا نكران

آثــرنا حطام الدنيا والهجران

فتعففتم عنها ونزلتم الميدان

أقعدنا الخوف وسط البنيان

وكنـــا لعالــم ٍ آخــــر سكـــــان

فنفرتم بشجـــاعةٍ للغليـــان

وأعلنتم على المـــلأ العصيان

بين حالــــــنا وحالكـــــم شتان

وقد صرنا من القهر قطعـــــان

وبلغ السيل الزبا من الطغيان

والغث والغش وصمت الحملان

وأسفاً لاح فـ الأفق نذر النيران

فانظر واسمع يا من للسفينة قبطان

قد أعذر من انذر وشهد شاهدان

عين ترى ورب العرش غضبان

2LBGARE2

الثلاثاء، 23 سبتمبر 2008

لـــــطبالــيــن الزفــــــه فقـــــــط ...


انا المصري الرايق السكرا

ابو كيف ملعلع وصحه متأخرا

مدمن سد الحنك وعيني مدورا

فنان في لف البني وشرب الاصفرا

ضميري في اجازه وذمتي متأجرا

كرامتي غاليه عليا عشان كده متبعترا

غاوي هتافات وساعة الجد اجيب لورا

النفاق عمي وتبقى خالتي الفشخرا

مش مهم آكل ولا أشرب المهم المنظرا

بقول الحق لو قلته ونفسيتي متضررا

على ايه تعاتبني بمشاعر حزينه متأثرا

منا عايش ومقضيها وضحكتي مكركرا

2LBGARE2

الاثنين، 22 سبتمبر 2008

كــــــريــــات الـــــدم الـــــزرقــــاء....


هسمعــك حكاية واحـد معــندوش دمْ

تـِـسمعها تستغرب إزاي ده شايل همْْ

أهلو ماتو لفضلو أب ولا أم ولا عـمْ

ماتو بأوبئه ومن كتر حياة الغمْ

غلبان من الفلوس معهوش اي كمْ

مقهور مغلوب ولا في يوم نـَفـَسو شمْ

مسلوب الإراده مهما إتــأمر يقول تمْ

ولــو فكـر يبص لحقه يتخــمْ فيه خــمْ

حيـاتو سـَخـَط وقرف وكام كلمه حافظها صمْ

عــُـمرُو مالقي إيد حنينه أو حد ليه ضمْ

مـَلهي في أكل عيشو والبحث عن المَـمْ

زي بقية شعبو دكاتره في فنون النـَـمْ

كــل ده وآل إيــه شايــل هــــمْ

مــش والنبي ده معنــدوش دمْ


2LBGARE2

الأحد، 21 سبتمبر 2008

ربــــــــاعيــــــــاتي..


هــــــــو أنـــــا ولا تـهـيـــؤات

صـريــع شـــك وإحتمالات
ضـيـعـت عـمـري فــمـحـلـــي
فــــي إنتظــــار الــمــعجـــزات
2LBGARE2

السبت، 20 سبتمبر 2008

الشعـــب النمرود...

** مالك يمصري ماشي تايه وشارد وشايل فقلبك هموم

** مع إنك واكل وشارب ومتعالج ومن اغلى نوع لابس هدوم

** لا عندك ضغط عالي ولا ضغط واطي ولا ضحايا وبائي وسرطان كل يوم

** بتشم هوى نضيف وصحي وخفيف مش من حرق قش غازات سامه وغيوم

** ماشي بتكاله ومعلي الغزاله ومفوض امرك للحي القيوم

** خضارك وش قفص وصابح ووشك منور وواضح ولاعيشك مسرطن ولا فـ اكلك سموم

** ولا إتاخدت قسم بالي بالك وحطو وشك تحت نعالك وعلى قفاك اتختمت وطلعت مشتوم

** إيه يعني الف ويـ للحج طلبو وفـ عرض البحر طبو مأبو وكتير فطس غير الي قضاها عوم

** إنت باينك نمرود ناكر الخير والمجهود غاوي اعتصامات إزعاجاً للسلطات في اغلب العموم

** او ممكن عميل غاوي إحلال وتبديل وياحسره ولا بتحل ولا تبدل ومصيرك محتوم

2LBGARE2


الخميس، 18 سبتمبر 2008

مصــــر المــــوازيـــــه ...

آه يبـــلد حقــي فيهـــا ضـــــاع
بتعــــاملينـــي لــَـوي دراع
علــى راســـك مــرفوع اللـي بــاع
والمخلـــص تسقيـــه اوجــــاع
لجـــــل فيـــكي نعيـــش ملبســانا قنـــاع
يـــا أم عاهـــره إبنـــها جـــاع
حــراميـــكي لـُــه مقـام وصـيــتو ذاع
وحــاميــكي تحت الأقــدام وحـــالو صــاع
بـالحــديد والنـــار ظــلمك فيــنا شــاع
ضحكـنــا , بكــانا ، شكــوانا كـلو إصطنــاع
بــس إحـترســـي وإتقــي شــر من طـــاع
يقلـب عليكــي الطربيـــزه و ضيــاع بضيـاع
2LBGARE2


الأربعاء، 17 سبتمبر 2008

ربــــــــاعيــــــــاتي..

الدنيـــا ديــه ميكــروباص
فيهــا الصـادق والهجــاص
فــي سكــه واحـده جمعانـا
ومحطتـنــا منهــا خــلاص
2LBGARE2

الاثنين، 15 سبتمبر 2008

رسالتي السابقه للرئيس حسني مبارك في عيد ميلاده ( لوجه مصر )


الأحد، 14 سبتمبر 2008

ربــــــــاعيــــــــاتي..

من صحـــاب الأصـــل نـــــاس
ونــــاس كبـيــــرها مـــــــــداس
عجـــبي مــن دول ودول
وســبحـــانو رب الأجنـــــــــاس


2LBGARE2

الثلاثاء، 9 سبتمبر 2008

مصـر هنـــّـجت وعايزه وينـــدوز ..

شــوّهتــوا جيـــل بحــالــو
نـــيّ معــرفش مالـــو
منـــو الخشــونه شـــالو
هشـــاشة رجـــوله جالـــو
رايـــق وخالــي بالـــو
خـــاب وبـحظــو مالـــو
حيــران وتــاه سـؤالـو

وآل جيل ريــاده قالـــو
2LBGARE2

ربــــــــاعيــــــــاتي..

مــــلاّن مـــن المــــلل
زهـقـــان مـــن الخــــلل
إكــــسب فـيـــا ثــواب
وقـــولي إيـــه العمــــــل
2LBGARE2

السبت، 6 سبتمبر 2008

ربــــــــاعيــــــــاتي..


إبــن آدم ظــَـلم نــَفــْـســـو
خــلـع قلــبو دهـس حــِسْـو
عـِـشْـق الجاه وحـب المــال
ســم بدنو كســر نـِـفــْســو
2LBGARE2

الخميس، 4 سبتمبر 2008

ربــــــــاعيــــــــاتي..

سـجــــــن وبـــلا حــــــدود
مخـليـــش مـن القيـــــــــود
فـــوقه عــذاب ومـهـــــانـــه
وتحـتــه يــاكلـــك الــــــدود

2LBGARE2

الأربعاء، 3 سبتمبر 2008

ربــــــــاعيــــــــاتي..


يعــــالم مفــتــون مـجـنــــون
آوي الطـيــب والملعــــون
أمـــلي ينصلــح حــالـــك
وفــسبـيـلــك عمـــري يهـــون
2LBGARE2

الاثنين، 1 سبتمبر 2008

ربــــــــاعيــــــــاتي..


قـلـــبي طـــيـّــــاره ورق
مــــن صــافي البراءة اتخلــق
وفـيــوم للشـــمس قـــرّب
لـــفرط الســــزاجـــه إتحـــرق
2LBGARE2