CLICK HERE FOR BLOGGER TEMPLATES AND MYSPACE LAYOUTS »

عـنــــي أنـــــــــا

صورتي
انسان يزعم أنه صاحب قضية .. في زمان بيعت فيه القضية

-----------------------------

جميع الحقوق محفوظة ، كافة المواد المنشورة في هذا الموقع محفوظة ومحمية بموجب قوانين حقوق النشر والملكية الفكرية لا يجوز نسخ هذه المواد أو إعادة إنتاجها أو نشرها أو تعديلها أو اقتباسها لخلق عمل جديد أو إرسالها أو ترجمتها أو إذاعتها أو إتاحتها للجمهور بأي شكل دون الحصول على إذن كتابي مسبق

حـجــات فــاتت

الاثنين، 22 سبتمبر، 2008

كــــــريــــات الـــــدم الـــــزرقــــاء....


هسمعــك حكاية واحـد معــندوش دمْ

تـِـسمعها تستغرب إزاي ده شايل همْْ

أهلو ماتو لفضلو أب ولا أم ولا عـمْ

ماتو بأوبئه ومن كتر حياة الغمْ

غلبان من الفلوس معهوش اي كمْ

مقهور مغلوب ولا في يوم نـَفـَسو شمْ

مسلوب الإراده مهما إتــأمر يقول تمْ

ولــو فكـر يبص لحقه يتخــمْ فيه خــمْ

حيـاتو سـَخـَط وقرف وكام كلمه حافظها صمْ

عــُـمرُو مالقي إيد حنينه أو حد ليه ضمْ

مـَلهي في أكل عيشو والبحث عن المَـمْ

زي بقية شعبو دكاتره في فنون النـَـمْ

كــل ده وآل إيــه شايــل هــــمْ

مــش والنبي ده معنــدوش دمْ


2LBGARE2

7 قــل .. فـأ نـا احترم رأيك:

غير معرف يقول...

السلام عليكم
مين دة
دة واحد ربنا ابتلاة وهو اصلا عندو بلاوى بالهبل
هو طبعا فى ناس كدة بس ساعات غياب الوعى الدينى والامية وعدم وجود عمل يئول الى كل هذا
بس ساعات بجد بتكون الحياة هى الى اجبرتهم على كدة
بس فى عندهم دم وشايلين الهم
نيرة احمد محود

طائر الليل الحزين يقول...

الكلام منكرش انه اكتر من رائع . بس صدقنى الصورة فيها كتير جدااا .
وبعدين هو ليه بقى معندوش دم . عشان شايف كل اللى حواليه عجبهم حالهم كده . أتعودو يعيشوا وخلاص . ويحطوا فى بقهم ..... . عارف أنا نفسى فى مين دلوقتى . عبد الناصر من جديد ...يمكن يلحق اللى فاضل من البلد دى !!!!!
donea

مروة كمال يقول...

ده على كده يبقى معظم الشعب المصري عنده كرات دم زرقاء فعلا

تشخيص منطقي فعلا


بجد ، تدوينة رائعة جدا

جزاكم الله خيرا

engy يقول...

هو فعلا معندوش دم او بمعنى اصح اتسحب منه الدم زى ما اتسحبت منه الكرامه والوطنيه

صبرني يارب يقول...

بتهيئلي هو ما بقاش بقيله دم
فى ناس كتير ماصين دمه

وبتهيئلي عشان كده اكتر الناس فضلوا يعيشوا من غير دم اصلا

MaGn0liA... يقول...

حقه اتاخد و حتى الاعتراض مش اعترض

موافق و خلاص

مسلوب الاراده مهما إتأمر يقول تم

حلوه اوى بجد

ندا منير يقول...

ههههههه
حلوة قصة الراجل دا قوى