CLICK HERE FOR BLOGGER TEMPLATES AND MYSPACE LAYOUTS »

عـنــــي أنـــــــــا

صورتي
انسان يزعم أنه صاحب قضية .. في زمان بيعت فيه القضية

-----------------------------

جميع الحقوق محفوظة ، كافة المواد المنشورة في هذا الموقع محفوظة ومحمية بموجب قوانين حقوق النشر والملكية الفكرية لا يجوز نسخ هذه المواد أو إعادة إنتاجها أو نشرها أو تعديلها أو اقتباسها لخلق عمل جديد أو إرسالها أو ترجمتها أو إذاعتها أو إتاحتها للجمهور بأي شكل دون الحصول على إذن كتابي مسبق

حـجــات فــاتت

الخميس، 25 سبتمبر، 2008

تـــــــــــــــــــــــــــــــــاج ....



الاخـــــت الكــريمه ( اختكم في الله ) صاحبة مدونة أجــــمل أيامنا قد مررت لـــــي هــــــــذا التــــــــــــــاج . وشرف لي ان ابوح لاصدقائي عن بعض من حياتي الخاصـــه وأرحمكوا شويه من النكد بتاع كل يوم ( وربنا انا خايف تكرهوني هههههههه )
نـــــــــــــــــــــدخل فــــي الموضوع وكفايـــــــــه رغـــــــي ...


1- الحالة الجسمانية بمعنى هل سيادتك تتمتع بصحة جيدة ولا الاخ صاحب مرض ؟
وأقول انا وبفضل الله في كامل قوايا العقليه والجسديه ما عدا موضوع القولون العصبي ده والي جالي من فرط عصبيتي وتأثري السريع المريع بما يحدث حولي مع العلم ان توصيات الطبيب لي بعدم النرفزه ، إلا اني اضرب بها عرض الحائط مع اول فصل ممكن يضايقني ( ومش عارف ليه شاغل بالي ميتحرق الكون بالي فيه ..... طبعا ده كلام قريني الوحش الي انا دايما اديلو على دماغة ولونو سعات ممكن يضحك عليا )
2-الحاله الاجتماعية بمعنى هل علاقتك بمن حولك جيدة ولا عامل مشاكل مع طوب الارض ؟
الحمد لله انا عمري مكان ليا حد مستتقل دمي مش كارهني حتى وده مش علشان انا ملاك لا ده من دعوات والدتي الله يمسيها بالخير
والحمد لله انا بفخر بكوني الوحيد بين اصدقائي الي ممكن الكل يحكيلو مشاكلو واسرارو وربنا بيوفقني للحلول

( وطبعا ده لاني نابغه ومفيش مني اتنين هههههههه )

3-الحاله العقلية بمعنى هل تشعر ان عقلك يعمل ولا حضرتك منيم دماغك ؟
طبـــعا وبفضل الله انا كثير التفكير حتى في الوقت الي مش بفكر فيه بفكر انا ليه مش بفكر ( حد فاهم حاجه ) وعموما خير دليل على كده توجهي الفكري واعتناقي مبادئ الانسان الحر وممكن تحسو ده من منوال كتباتي ولو مش بفكر مكونتش دخلت عالم التدوين من اساسو
4-الحاله العاطفية مش محتاجة تفسير ومش عايز استعباط ؟
الحمد لله وبفضله انا متزوج من افضل انسانه على الارض وده في مخيلتي لانها انسانه تعبت معايا وتحملتني كتير ايام الطيش ( واخد بالك انت من ايام الطيش ) وبتمنى اعمل اي حاجه ترضيها
5-الحاله الروحية بمعنى هل علاقتك بربنا كويسة ولا الكلام على ابو لهب ؟
الحمد لله علاقتي بربي في افضل حال وان كانت متقلبه بعض الاحيان وقد اخطئ تاره واصيب اخرى فنحن بشر ولسنا ملائكه ، وصدق الله حيث قال بما معنى الحديث القدسي لو لم نخطئ لذهب الله بنا وجاء بقوم يخطئون ويستغفرون الله فيغفر لهم . وهذا الحديث لا يفتح لنا باب الجرأة على الله معاذ الله ولكن يفتح لنا باب الامل والرحمه والتوبه .
-----------------------------------------------------------------
الخمس اسئلة اللى جاية دى اسئلة متنوعة

الاول : اكتر عيب فيك ونفسك تتخلص منه ؟
العيب الي بيتعبني جدا اني ممكن علشان مزعلش حد مني اضطر اني اكدب في حاجه صغنونه اوي كدبه بيضه يعني زي ما بيقولو . وده لاني بكره جدا حد يزعل مني بس بقول لنفسي يعني فلان يزعل ولا ربك طبعا المعادلة لصالح ربي في اي حال ولكن كما اسلفت الذكر نحن بشر نصيب ونخطئ .
الثانى : ايه الحاجة اللى عملتها وندمت انك عملتها قوى ؟
اني بعدت يوم من الايام عن ربنا وده كان اساس لاي عمل ندمت عليه بعد كده والحمد لله مش بحب افتكر الايام السوده ديه اعاننا الله على سداد دينه علينا وثبتنا اجمعين .
الثالث : اية الحاجة اللى لسة معملتهاش وحتموت وتعملها ؟
الحاجه الي اتمنى اعملها اني ربنا يوسع عليا وابني بيت كبير يضمني انا واخواتي وامي الحبيبه واحج بيت ربنا . وكمان نفسي ارشح نفسي لمجلس الشعب هههههههه

الرابع : اكتر دعاء بتقوله وبتردده دائما؟
اللهم فك كربي وفرج همي واسترني ولا تفضحني وإعلي شأني وإجعل لي دوراً في تغيير صالح دون اهانة لي او لأهلي
الخامس : لو عرفت انك هتموت دلوقتى وقالولك اخر حاجة نفسك فيها ايه ؟
هصلي ركعتين لله وادعي يرحمني


يارب اكون عرفت اقول كل الي في قلبي دون ان ازيف قولي
2LBGARE2










15 قــل .. فـأ نـا احترم رأيك:

ضد التيار يقول...

التاج دمه خفيف واجباتك عليه اخف بجد

ربنا يحققلك كل احلامك يارب و يشفيك من القولون دا لان بجد تعبه وحش

كل سنه وانت طيب

elsha3er يقول...

اجاباتك جميلة يا عماد يارب يغفرلك ويحققلك كل اللى فى نفسك


احمد الشاعر

غير معرف يقول...

ههههههههههه
اجاباتك حلوة اوى ومش ومتخافش متخنقناش منك والا حاجة الا اذا كان هناك بعض الوساويس التى تطاردنى لما اجى افتح مدونتك ونفسى تقعد تقولى اوعى تفتحى .اوعى تفتحى
هه
بس على مين بقاومها طبعا وبدخل
المهم يعنى ربنا يشفيك من القولون وكل مرضى القولون لانى شفت ناس بجد ربنا يشفيهم لما بيتعبوا منة الدنيا بتتقلب وعمليات بأة ربنا يكفيك واللى فى بالى شرة
قول امين
وبعدين ايه موضوع اام الطيش دى هاه
ربنا يكرمك بمراتك وتحج الاول يا عماد وبعدين تبنى البيت الكبير ان شاء الله
نيرة احمد محمود

كيارا يقول...

اجاباتك تلقائيه جدا

بس خلي بالك بقي من العصبيه عشان القولون

كل سنه وانت طيب:)

engy يقول...

الف سلامه ربنا يارب يشفيك من القولون
وان شاء الله ماتبعدش تانى عن ربنا
وتحقق كل اللى نفسك فيه
كل سنه وانت طيب

ندا منير يقول...

ممممممممممممم
بصراحة من اجباباتك دى باين انك انسان جدير ان اللى قدامك لازم يحترمك ويحترم عقليتك
ربنا يوفقك كمان وكمان
ويسعدك فى حياتك

أكون او لا أكون يقول...

بوست حلووووو... بجد مختلف... وكويس تعرفنا على جوانب حلوه من حياتك...
ربنا يحقق لك أحلامك... وبجد عجبني حلم البيت الكبير... لان أنا برضو بحلم أبني بيت كبير عشان أجمع كل اللي بحبهم فيه...
تســلـــــم...

saso يقول...

جميله اوى اجاباتك يا استاذ عماد بس بصراحه بالمره احب اشكر صاحبه التاج
لانه جديد ودمه خفيف

ربنا يخليك لاحبابك ويحقق ليك امانيك

تحياتى
saso

أختكم فى الله يقول...

ربنا يحققلك كلا احلامك يا رب

ويخليك زوجتك ويجعلكم اسعد زوجين

وشكرا جدا على حل التاج

انا كمان عندى القولون العصبى

يا رب يشفي الجميع

ANGHAM ALLAM يقول...

ya gameeeeeeeeeeeeeeed :D

Hosam Yahia حسام يحى يقول...

اجاباتك بجد جميله جدا

:d

كده هابقى هاروح اغشه هوا مبعوتلى برده

:)

كل سنه وانتا طيب

حـــــ الــجــنــة ـــــور يقول...

السلام عليكم
سعيده إن أول مرور ليا بمدونتك الجميله أتعرف على شخصيه محترمة وتلقائيه كدا
بارك الله في دينك ودنياك
تقبل مروري وخالص تحياتي
رمضان كريم

ساسو يقول...

قبل كل حاجه بشكر صاحب التاج اللي خلانا نعرف عنك حاجات كتير
وتاني حاجه
بقى اخويه الكبير يكون متجوز وانا معرفش ..طيب يااخي عرفنا عليها
ياتري ليها في التدوين والنت والجو العجيب ده
ربنا يخليهالك ويسعدكم وتروحو تحجو سوي ومتنساش تدعيلي ساعتها
ومتعصبش نفسك وخلي بالك من صحتك

ساسو يقول...

قبل كل حاجه بشكر صاحب التاج اللي خلانا نعرف عنك حاجات كتير
وتاني حاجه
بقى اخويه الكبير يكون متجوز وانا معرفش ..طيب يااخي عرفنا عليها
ياتري ليها في التدوين والنت والجو العجيب ده
ربنا يخليهالك ويسعدكم وتروحو تحجو سوي ومتنساش تدعيلي ساعتها
ومتعصبش نفسك وخلي بالك من صحتك

اختك الصغنوووونه
ساسوووووو

المحرر الصحفي والشاعر : عمــاد الدين يوســـف يقول...

ضد التيار
شكرا على مرورك وتعقيبك
تحياتي
======================

الشاعر
شكرا يحبي على المتابعه ويارب يتقبل منا اجمعين
تحياتي
======================

نيره احمد
بجد انتي اخت عزيزه جدا وسبحان الله يمكن في ناس نحبهم من غير ما نشوفهم لان الجوهر هو الي بيتكلم
وفي ناس نستمر معاهم سنين شايفينهم في كل حال ونتخدع فيهم
تحياتي
=====================

كيارا
اختي الرقيقه شكرا ليكي وكل سنه وانتي بصحه وعافيه
تحياتي
=====================

إنجـــي
شكرا على تعليقك الجميل ومتنسيش اخوكي من دعائك
تحياتي
=====================

ندا منير
ميرسي يقمر من بعض ما عندكم
====================

اكون او لا اكون
اختي المقربه شكرا على تعقيبك واتمنى من الله ان تنالي كل احلامك
تحياتي
===================

saso
شكرا على التعقيب ويارب يسمع منك
تحياتي
===================

اختكم في الله
اللهم امين
يارب يشفينا ويشفي مرضا المسلمين اجمعين
===================

انغام علام
والله انتي اجمد هههههههههههههه
تحياتي
==================

حسام يحيى
اهلا وسهلا بك اخي الحبيب ضيفا دائما على طاولتي المتواضعه واتمنى دوام التواصل
=================

حور الجنان
انا اسعد لتعرفي بيكي ويارب اكون اخ وصديق خفيف عليكي
تحياتي
=================

اختي حبيبتي الصغنونه ساسو
فينك يعم من زمان حارمنا من انسك ليه ؟ يلا حمدالله على السلامه
تحياتي