قالوا عــُـصبة فقـدت الأهــليه
يـسـعون لهجــرة غير شرعيـه
تحـاملوا عليـنــا ســلبونا الأهمــيه
وأسقـطوا عنـا نــسـب الآدمــيه
نـسـجوا حـولنـا هــالة وهـمــيه
خـونه ، عمـلاء ، بل شرذمة همـجيه
شـهداءٌ نحن أم فرقـة انتحــاريه
صَـعــُـبة في أمــرنا مــسألة فقهــيه
ألقـــاب صــرنا ودفـنــت القــضــيه
ايــها الســـاده ، لنوضــح الهويــه
من مـقـتـبــل العــمر فـئــة عمــريه
جــف رحــيق زهــورهــا النـــديه
تــداعت علــيها الذئــاب كمـا الضـحــيه
ســُـلبنا حــق العيــش والمــلكــيه
أرهقــتنا الـسواقي طـوافــاً كالرعــيه
أزهــقت أرواحنــا كوارث إغـتـيــاليه
على لائــحة المــوت إختيارات مزاجيـه
قطــار أو عبـّـارة أو حوادث دمــويـه
تلوث مياه أو إنهــيارات صخرية
لـعـلك من هــواة الأمراض المـُـعديه
لا تقـــــلــق
في جعبــتهم من الإختيــارات بقيه
إن لم يــكن حتــفك قصة حتمــيه
وخــضت غــمار حيــاة يـوميــه
تبنيــت رأيــاً ومـدرسة فــكريه
تصــورت نفــسك ذمــّـة قيــاديــه
تــجـرأت على الـذات السـياديــه
وكانــت لـك وجــهة سياســيه
فيــا مرحــباً بخطـابــات إعتـقـاليــه
في غـيــاهب سجون احتياطيه
وصــراع ظــلم في محكــمة عســكريه
لـيــُـقضـى نــَـحـْبـُـك في عروض هزليــه
أيـــتــها النفــس الــحرة الأبــيه
لنغــادر ارض الجــور العصيه
في رحــلة مجــهولة لا نهــائـيه
2LBGARE2
16 قــل .. فـأ نـا احترم رأيك:
بجد اكتر من رائعة . تقريبا انت مسبتش حاجة فى الموقف معبرتش عنها . وخصوصا اخر خمس سطور بجد حاجة تبكى وتتعب جدا بس كل اللى الواحد يقدر يقوله . منهم لله . وربنا اقوى من الكل
برافــــــــوا عليــــك يا زعيـــــم
donea
السلام عليكم
ايه يا باشا يا عم بالراحة علينا شوية
وبعدين نغادر نروح فين
انت عايزنا نهاجر ونسيبهالهم مخضرة
انا ملحقتش اعلق على التاج اللى فات
بس بجد اجباتك جامدة قوى
سلالالالالالالالالالالالالالالالالالالالالالالالام
السلام عليكم
الله الله بجد رائعة
واللهى تحفة وكمان انا حسيت بالالم اوى للشباب دول على فكرة انا للأسف مكنتش مهتمة بالحاجات دى خالص بس لما دخلت عالم التدوين دة بجد فهمت حاجات كتييير اوى وصلحتها فى تفكيرى يالا .الحمدلله
نيرة احمد محمود
تحفففففففففففففففففففه يا استاذ عماد بجد
حلوه اوى اوى اوى
بس على راى اللى قالوا هنروح فين؟؟؟؟؟؟؟؟؟
ملناش متوى غيرها
تسلم ايدك
وكل سنه وانت طيب
العيد جالك ولا لسه؟
انا معاك فى كل كلامك اللى قلته
بس مش معاك اننا نسيب مصر
عشان لو كل واحد عمل كدة مصر هتخرب اكتر ما هى خربانة
احنا ممكن نعمل حاجات كتير قوى
بس لو حطينا ايدينا فى ايد بعض
عارفة ان الحياة صعبة قوى
والناس تعبت قوى
بس الهروب مش حل
دى وجهة نظرى
ارجو تقبلها
القصيده جميله جدا ..على فكره أنا كتبت عن نفس الموضوع لكن لسه منزلتهاش في المدونه
أنا أخدت جوله في مدونتك ..بالفعل تستحق الإحترام وتنم عن حد عايز يقول كلمة حق ..هرجع تاني وأكمل قراءه على مهلي
وفقك الله وكل سنه وإنت طيب
تحياتي
جاااااااااااااااااااااامده ياعماد
بجد جامده
دايما كدا بتبهرني بكلامك
وميرسي ياباشا علي تهنئتك بعيد ميلادي والله فرحت جدا انك كنت موجود في العيد ميلاد :)
عماد
زيارة أولى ولا أعتقد الأخيرة
سلمت يداك وانا معاك في كل كلمة وكل حرف كتبته تسلم
ابدعت يا عمدة
وفعلا على راى الشعلرات اللى فالقينا بيها فى كل الشوارع
نحكم عقلنا ناكل كلنا
ودلوقتى
نحكم عقلنا نهاجر كلنا
منى العيسوي
شكرا يجميل على المرور
وانا كتبت جزء يسير من الحقيقه يمنى وتاكدي ان معاناة الشباب دول تحديدا واهاليهم عظيمه على رغم من اختلافي الجذري معاهم في تخليهم عن فلذات اكبادهم في عرض البحر إلا اني برضو متعاطف معاهم في كربهم
تحياتي
=====================
حدوته
انا ضد الهجره شرعيه كانت او غير شرعية انما انا بتكلم ديما بلسان حال الشخصيه يعني هنا مثلا انا بتكلم بلسان الشباب الي هاجرو بالطريقه دي جراء العوز والحاجه
تحياتي
=====================
نيره احمد
شكرا على المجامله
وكلنا في بداية اهتماماتنا اكيد كنا لسه في طور النمو الفكري والنضوج العقلي ولما نوصل مرحله ما نستغرب ازاي ده كلو محسيناش بيه
تحياتي
=====================
saso
وانتي طيبه يقمر ويارييييييت بلاش استاذ انا اخوكي ومفيش اخت تقول لاخوها يا استاذ
أبيه ممكن هههههههههههه
تحياتي
=====================
ندا منير
كل خليه في الجزء المنوط به التفكير داخل عقلي البسيط تشاركك رايك وتنادي به
ابدا لم اؤيد الهجره ولكني كما قلت لاخي حدوته انا بتكلم بلسان حال الشباب الي فعلا خرجو بالطريقه ديه
تحياتي
======================
ام البنين
بجد شرف ليا اتعرف على نموذج مثالي نفتقر اليه للام المسلمه والمصريه
اختي الكريمه سرتني زيارتك واتمنى تكرارها واسمحيلي مدونتك في المفضله
تقبلي فائق احترام وتقدير اخوكي الصغير
=====================
كيارا
شكرا لمرورك
ولثاني مره كل سنه وانتي طيبه والسنه الجايه تكوني في اي حته ههههههههه
تحياتي
=====================
حماده زيدان
اهلا وسهلا باخي الزائر الجديد ويارب تظل علينا ضيفا عزيزا متواجد على الدوام واشكرك اخي على ثنائك وإطرائك
تحياتي
=====================
صباح الصباح
شكرا يحبي على مرورك وتعقيبك
نحكم عقلنا نتظبط كلنا هههههههههه
تحياتي
بجد مش قادره اصف فعلا كتاباتك رائعه
شملت كل حاجه
بس نغادر نروح فين احنا لازم نفضل هنا للاخر
اية دة اية الحلاوة دى انا اخاف على نفسى منك لالالا الحمد لله انى بكتب بأسلوب غيرك كنت زمانى دلوقتى مركون على الرف
ربنا يستر علينا انا وناس كتير وعلى فكرة لو فضلت كدة حغتالك ههههههههه
بجد جميلة يا عماد انا بهزر ربنا يابنى يوفقك ويحميك ويحمينا تحياتى
احمد الشاعر
يااااااااااااااااااااااه
بجد فظيعه
لخصت كل الكلام والقضيه
هو ده دايما اللي متعودين عليه منك
يارب اشوفك كده اكبر كاتب وشاعر في مصر
اختك الصغنووووونه
سااااااااااااسووووو
ياسلام... قصيده معبره جداً... فوق الوصف...
كلها أسلى وحزن عميق... وأخر بيت:
* لنغــادر هـــذه الأرض العـــصيه
في رحــلة مجــهولة لا نهــائـيه*
قرار صعب لمجهول أصعب...
تسلم ياعماد بجد كلمات صعبه تعبر عن واقع مرير...
ربنا يعدل الأحوال...
كل سنه حضرتك والعائله الكريمه بألف خير... عيد سعيد...
اختي الفاضله إنجي
شكرا لمرورك ومش هنغادر وقاعدين على قلوبهم
تحياتي
===================
الشاعر
حبيب قلبي انا مش قد المجامله ديه وده من بعض ما عندكم التقيل تقيل يعم الحج هو احنا جنبك حاجه ههههههههه
تحياتي
==================
اختى الصغنووونه ساسو
يسمع منك ربنا ومتنسيش تدعي لاخوكي في صلاتك
تحياتي
==================
اكون او لا اكون
كل عام وانتي بخير وشكرا للمتابعه
ويارب يصلح حال الامه الاسلاميه
تحياتي
ليه نهرب ونهاجر ومنغيرش المستقبل لينا مش للموجودين واحنا اللى بايدنا المستقبل مش هما
إرسال تعليق