CLICK HERE FOR BLOGGER TEMPLATES AND MYSPACE LAYOUTS »

عـنــــي أنـــــــــا

صورتي
انسان يزعم أنه صاحب قضية .. في زمان بيعت فيه القضية


-----------------------------

جميع الحقوق محفوظة ، كافة المواد المنشورة في هذا الموقع محفوظة ومحمية بموجب قوانين حقوق النشر والملكية الفكرية لا يجوز نسخ هذه المواد أو إعادة إنتاجها أو نشرها أو تعديلها أو اقتباسها لخلق عمل جديد أو إرسالها أو ترجمتها أو إذاعتها أو إتاحتها للجمهور بأي شكل دون الحصول على إذن كتابي مسبق

الخميس، 13 نوفمبر 2008

الساده الساسه المسؤولون .. فحتهم اللــه ....


إكتظت كل الكل المساحات المشاعريه حتى الإحتباس ، وتزاحمت كل الاماكن في القلوب حتى الإختناق ، وللأسى والفاجعه لم تكتظ أو تزدحم تلك الفراغات سوى بالكراهيه واليأس والخوف حتى الموت ، ولم يعد هناك متسع ولو ضئيل لشئ من الحب والامل .

إسودت الوجوه لسواد القلوب ، ودمعت الاعين لما ادمي القلب ، وغاب الصوت وتحشرج جراء شدة البكاء، وتخلى العقل عن صاحبه بعد ان كثرت الهواجس .

أنفـــاس ، لاشيء سوى انفاس ، شهيق عابر وزفير مغادر ، وصرنا جثة همداء لا يربطها بما حولها سوى هذا الحيز الذي تشغله ، حياة ماديه رمادية اللون مائله للسواد ، وجع يعتلي الفؤاد ، هـــمٌ هائل الكم

ولم يعد الإنسان يطيق حتى ملابسه ، نقابل بعضنا بعضاً بوجه عابس وقد ارتسمت عليه تعرجات الزمن ومنحنياته فبات مشيراً إلى تعبير واحد وحيد : القــرف إلى ما لا نهـــايه ..

قد تختلف معي في درجة سواد تلك الصوره ، لكنك متفق تماماً انها سوداء ، وبات الوجه المبتسم نادراً ندرة نسمة الهواء في يوم حــر مميــت .

هذا ماصار إليه حال السواد الاعظم من هذا الشعب المنكوب المكلوب المنهوب ، نعــم ، لو حدث وإستوقفت احدهم سائلاً : انــــت ليه كشـــــري ( بكسر الكاف ) ؟؟

إعلم ان اول إنطباع في رأس المسؤل عن السائل انه كائن من عالم آخر ، او انه بارد لدرجة الغتاته ، ومن ثم تجد فَـاه يقصفك بوابل من الجمل والعبارات والإعتراضات والإمتعاضات لتخلُــص من ذلك كله انك غلطان جداً ووجب عليك تغيير صيغة السؤال إلى : انت ليه مش مكشر ؟؟

بات النكد يجري منا مجرى الدم بكرياته على الوانها حمراء وبيضاء ، حتى اني اشك انها لاتزال بيضاء ، وعلى الرغم من تلك الحياه المقيته ، يخرج علينا الساده الساسه المسؤلين حفظهم الله وقد رسموا لنا الدنيا باللون البمبي وعملو لنا من بحورها طحينه ، وحتى الطحينه بقت خفيفه وغشوها ، وحتى الكذب رسبوا فيه مع مراتب الشرف ، ولو انهم تكبدوا عناء وشقاء النزول من ابراجهم العاجيه ليعيشوا معنا على ارضنا التي نراها بعين ساخطه انها جحيم الله في الارض ، ويرونها بعين زايغه انها ارض الاستثمار والعمار والنمو الاقتصادي ( ولا اعلم من الحكم في هذا ) لعلموا علم اليقين انه لا هناك نمو ولا استثمار ، اللهم إن كان المقصد من هذا هو نمو حسابات البشوات ، وإن كان هذا مقصدهم وتعريفهم للنمو فأقول أننــا قد ظلمناهم ظلماً بيناً حيث لايعلم خفايا ودهاليز وبهاريز الارصده إلا الله وأصحابها .

ومن ثم فلن يستشعر الغلبان إبن الغلبان الواقف في طابور الدنيا تعبان وزهقان وكفران هذا النمو ، لأنه غتت ورخيم وطلباته كتيره وسأيله زيه تمام ، وطبعاً الساده الساسه المسؤلون حفظهم الله يولداه هياخدوا بالهم من نمو ارصدتهم ولا نمو هذا الكائن السأيل بالفطره ؟

وبعدين ماهو المثل بيقول : يا مربي في غير ولدك ياباني في غير ملكك .. يبقى بتاع إيه وبأي حق يتعشم هذا الشعب الرخيم ان يربي الساده الساسه المسؤلون حفظهم الله عياله ويتكفلون بهم ويصرفوا عليهم ويطلعوا منهم اجيال بتفهم وتشرف ، علشان بعد كده يناكفوهم ويناطحوهم في فهم النمو ده غير انهم مش من بقيت اهليهم حفظهم الله .

كان الله في عون الساده الساسه المسؤلون حفظهم الله علينا وعلى اهالينا ، شوف يأخي هما بيتعبوا علشنا اد ايه وعمالين ينمو وينمو علشان النمو ينمو ويعدي الــ7% الي بيعايرونا بيهم ونبقى بلد ناميه نايمه كمان وكمان ، وشوف إحنا بكل بجاحه وصفاقه مش عاجبنا الحال وآل إيه مش لاقيين العيش ، طيب مناكل باتون ساليه اوباتيه اوكرواسو ولا هو إفترى والسلام ، يعني الناس بيعملو المستحيل وبيخبوا منكم الدقيق ويحولوه مدعوم على مصانع الحلويات الفاخره علشان يحلوا بقكو وإنتو برضو شعب فقري مفيش فايده فيه .

عليا النعمه انا رأيي إن الشعب المشاغب ده ميستاهلش هدية ربنا المتمثله في هؤلاء الساده الساسه المسؤلون النظفاء حفظهم الله اصحاب القلوب والأيدي ناصعة البياض والذمم الشفافه وشايف انهم يسيبوا الشعب ده ويدورولهم على عقد عمل او إعاره لشعب تاني يطمر فيه . واناشد الساده الساسه المسؤلون حفظهم الله انهم يروحو تهريب عن طريق ليبيا بالبحر هتبقى رحله زي الفل .....!!

لكن إحنــــــا ......... دحنا عايزين ضرب الـ.......!!

وسلملي على جيمي مفجر ثورة التغيير ورقصني يـــاض منك له

13 قــل .. فـأ نـا احترم رأيك:

كـــيــــــــارا يقول...

هههههههههههههههههههههههههههه

مش في فايده فيك ياعمده

ايه اللبش ده بس

انت عاوزهم يربوا العيال ويعلموهم

تؤتؤتؤتؤ

مش كنت اكراك كده خالص

ال يعلموا ال

قول يكممو صوت

بس برده الصوره مش الوااااااااااااان كده

أمل حمدي يقول...

ازيك يا عماد

نفسي اعرف احنا ليه بنخزن كل دا جوانا

وبنحاول نرسم بسمة على عيونا كدابة

وليه ساكتين وليه مقهورين ولحد امتى

عمالين دايرين في ساقية ومش داريين

لو كل واحد منا قال الاه غيره مش بسمعها

كل واحد مكتفي بآهاته

لكن الديان لايموت
وجعت قلبي يا عماد
ولكن لاتحزن لهم يوم

elsha3er يقول...

انا اسف يا عماد على التأخير

ان شاء الله حيجى اليوم اللى حنضحك فيه بجد من قلبنا والله اقرب قوى

احمد الشاعر

شخـا بيــط مـحـجـوب يقول...

اخبارك ياعمدة يابنى كل عيش وخليك فى اللى بتعملة كل عيش وانتى ساكت
لابجد والله هنعمل اية بس ياعمدة ربنا معانا لازم الكل يتحد علشان يغير
تحياتى ليك
شخابيط mahgoub

م/ الحسيني لزومي يقول...

من اجل مصر
شارك في الحملة الشعبية للقيد بالجداول الانتخابية وادعو غيرك
ضع بنر الحملة علي مدونتك
البنر موجود عل مدونتيِ

wafaa يقول...

ضاقت فلما استحكمت حلقاتها فرجت .. وكنت اظنها لا تفرج .
احنا دلوقتى عايشين ف الظن انها مش هتفرج بس ربنا قال انا عند ظن عبدى بى ,نغير نظرتنا للحياه ونقول دى مصائب مكفرات لذنوبنا , صدقنى هتفرج

Soul.o0o.Whisper يقول...

السلام عليكم و رحمة الله و بركاته



أعتقد دى أول زيارة ليا
و يارب ماتكونش آخر زيارة


امممممممممممممممم
بصراحة مش عارفة أقول ايه بعد اللى قلته
أصلى بردوا كنت عاوزة أبين أد ايه المسئولين دول مظلومين
لكنك أبنت الحق
حتى سطع واضحا جليا
و إنه .... (( بس بس
طب خلاص عشان خاطرك بسسسسسسسسس

والله يافندم الموضوع أكبر من كدا اوى
و المشكلة إننا بردوا ساكتين
و المشكلة بردوا إن مافيش رؤية واضحة

حاجات كتيييييييييييير كتير

لكن أكيد فى حل
يا مسهل يارب



خالص تحياتى

صباح الصباح يقول...

ابوس ايدك

انا مش ناقص كابة

كفاية التحف اللى باشوفهم كل يوم

غروب يقول...

يا ترى احنا رايحيين لحد فين

سورى.....

ازيك الاول يا استاذ عماد

المقال عجبنى جدا ووجعنى جدا

يا ترى هتفرج ولا لا؟؟؟؟؟؟؟


الله اعلم

اتمنى اشوفك عندى ضرورى

غروب

غير معرف يقول...

هااااااااااااااااااااااااااااااااااااااااااااااااااااااااااااااى
هيلللوووووووووووووز
انا بس بسلم
وهرجع تانى
اتاخرت كتيييييييييير
الكمبيوتر كان بايظ
وانا كمان
ههههههههههه
مكنتش بايظة
كان عندى امتحانات ولسة موجودة
بس خمسة فريحى من ورا ماما
هههههههههههههه
سلامانت
ادعيلى والنبى
نيرة

نـــــور يقول...

يالهوى
عماد
ده كله علشان غبت شويه عن مدونتك؟

انت ايه اللى حصلك ياخويا؟
كان بدرى عليكوعل شبابك ياقلبى
ورقصنى ياض منك له؟؟؟؟؟؟؟؟
!!!!!!!!!!!!

ده انت اتدهورت اوى
امال فين الشياكه واللباقه والدبلوماسيه؟

لالالالالالالالالالالالا
انت محتاج وقفه من اللى هى دى-ايدين بتخبط فى طرابيزة الكمبيوتر- :))

سلااااااااااااام

☼♫♪ عمــاد الدين يــوسف ☼♫♪ يقول...

كيارا شكرا على التعليق واسف على التأخير
تحياتي
==================

الغاليه ماما اموله
للاسف كلنا لنا اهل ومنا اللي ليه عيال عايز يربيهم وبيضطر اسفا ان ينأى بنفسه عن مواجهة نفسه وبيقول ادينا عايشين
تحياتي
==================
احمد الشاعر
كرا يحبي على المتابعه وان شاء الله الفرج قريب
تحياتي
==================

محجوب
عارف لو بعرف اكل عيش واسكت مكنش ده حالي خالص
تحياتي
==================

وفاء
اختي الفاضله يملأني اليقين حتى النخاع بأن فرجو قريب
تحياتي
==================

☼♫♪ عمــاد الدين يــوسف ☼♫♪ يقول...

Soul.o0o.Whisper
زيارتك شرف ليا ارجو الفخر به على الدوام ، واحييكي لرأيك القيم
تحياتي
===============

صباح الصبح
معلش يمان مقدرش اشوف عوأ ومتكلمش حتى لو هتكلم فيه كل يوم
تحياتي
===============

غروب
شرفتني زيارتك وان شاء الله قريب عندك
تحياتي
===============

نيره
انا على فكره بدعيلك من اول ما قرأت التعليق يعني من فتره كبيره يارب يوفقك على الدوام يارب
تحياتي
===============
بيبا
اختي الغاليه
معلش بأه هو ده التطور الطبيعي للحاجه البايخه
هههههههههههههههه
تحياتي