CLICK HERE FOR BLOGGER TEMPLATES AND MYSPACE LAYOUTS »

عـنــــي أنـــــــــا

صورتي
انسان يزعم أنه صاحب قضية .. في زمان بيعت فيه القضية

-----------------------------

جميع الحقوق محفوظة ، كافة المواد المنشورة في هذا الموقع محفوظة ومحمية بموجب قوانين حقوق النشر والملكية الفكرية لا يجوز نسخ هذه المواد أو إعادة إنتاجها أو نشرها أو تعديلها أو اقتباسها لخلق عمل جديد أو إرسالها أو ترجمتها أو إذاعتها أو إتاحتها للجمهور بأي شكل دون الحصول على إذن كتابي مسبق

الأربعاء، 19 نوفمبر، 2008

بــيييكييييييااااااا مصر للبيع بــييييييكيييياااااااا

خرج علينا الحزب الحاكم كرمّه الله بعد جولات طلق الولاده القيصريه ( واعتقد انه مسمى مناسب لنقلة للخلف در التي يعدوها لإعادة تاريخ القياصره من جديد ) بعيل مبتــَسـَر ومشوّه جينيا بل واشك شخصياً في نسبه ، وهذا العيـّل عديم الأصل يتمثل في اقتراح يتم بلورته ليقنن وليدخل ماكينة التحويل ( مجلس الشعب ) ويباصيه عمو سرور لأونكل عز ليقوم الاخير ببراعة اللاعب الاوروبي ينطحو هــِـد ع الطاير ليخرج لنا من الناحية المقابله عـِمــّه على مقاس الشعب الذي يظنوه عبثــاً شعبأً واخد على قفاه أو داقق عصافير مريضه بالفلونزا الطيور من النوع المـُــعدي .
ويتلخص مشروع النشل الجديد في مسمى طريف ظريف خفيف وكمان دايت للي مش غاوي ألا وهو :
(( برنامج تحسين إدارة الاصول العامه المملوكه للدوله )) يــاه يجدعان ... ده الراجل ( متمنياً له هذه الصفه ) اللي ابتكر الاسم ده اكيد تعب جدا لحد ما تفتق ذهنه عن هذا الاسم الدراماتيكي الشعبي التقدمي الاشتراكي وتحيا مصر ، وسمعني سلام سـَـهـّـيني ولا توريني يمعلــم .
وتتلخص الفكرة من وجهه نظر الحكومة في ((تمليك المواطنين المصريين الذين تزيد أعمارهم علي 21 سنة ولديهم إثبات شخصية صكوكا في 86 شركة قطاع عام علي أن تحتفظ الحكومة بملكية في هذه الشركات بنسبة تتراوح بين 67% و30% وللمواطن الحق في بيع الصك أو استثماره وفي حال عدم تسلمه للصك لمدة سنة تؤول ملكيته إلي صندوق الأجيال القادمة وهو صندوق حسبما تقول الحكومة سيستثمر موارده في مشروعات تتعلق بالرعاية الصحية والتعليم ورعاية الموهوبين والنشء. ))
عارف من غير ما تتكلم ... نفسك تقولي كلمه غالبـاً مكونه من حرف واحد ( خ ) يتم تكراره في تفاوت للطبقه الصوتيه مع مزيج من الحشرجه وقلة القيمه ، لكن هذا بالكلمه منطوق السيد الفاضل الكابس على النفس ومش نافع معاه اي مياه غازيه ولا حتى غزيـّه من الهرم جمال بيه والاخ المجاهد محمود محي الدين وكيل الاستعمار قصدي وزير الاستثمار في المؤتمر الاخير للحزب .
ومن واقع عشــرتنا الطيبه مع هذا الحزب البهلواني يتضح الآتي :
بدأ برنامج الخصخصة - نقل ملكية مشروعات القطاع العام إلي القطاع الخاص - في مصر عام 1992, وحتي 30/6/2006 أي علي مدار 14 سنة تم بيع شركات قطاع أعمال عام أو جزء منها أو أصول إنتاجية أو عقارية أو خطوط إنتاج بلغت 315 عملية بيع بمبلغ13.9 مليار جنيه كما تم بيع مساهمات شركات قطاع أعمال عام في رؤوس أموال الشركات المشتركة الخاضعة للقانون 159 لسنة 1981 بلغت 43 عملية بيع بمبلغ إجمالي 9.8 مليار جنيه كما تم أيضا بيع مساهمات البنوك في رؤوس أموال الشركات والبنوك المشتركة بلغت 188 شركة وبنكاً بمبلغ إجمالي 19.4 مليار جنيه كما تم بيع مساهمات شركات التأمين في رؤوس أموال الشركات المشتركة الخاضعة للقانون 159 لسنة 1981 بلغت 47 شركة بمبلغ 1.6 مليار جنيه كما بلغت حصيلة بيع مشروعات الإدارة المحلية في 26 محافظة مبلغ 278 مليون جنيه، وبهذا تكون حصيلة الخصخصة منذ بدأت عام 1992 وحتي 30/ 6/ 2006 قد بلغت 50.049 مليار جنيه حصل منها 48.1 مليار جنيه والباقي لم يتم سداده حسبما ورد في تقرير الجهاز المركزي للمحاسبات عن حصيلة الخصخصة وأوجه التصرف فيها منذ بدايتها حتي 30/ 6/ 2008 والذي تم مناقشته في مجلس الشعب في الدورة الماضية .
ملاحظات علي برنامج الخصخصة : وقد ورد في هذا التقرير عدد من الملاحظات أهمها : 1_ أن وزارة المالية حصلت علي 16.6 مليار جنيه من حصيلة الخصخصة إلا أن تأثير ذلك لم يظهر علي انخفاض الدين العام أو عجز الموازنة .
2 _أن عملية البيع شملت شركات كبيرة وضخمة تتمتع بالاحتكار مثل شركات الأسمنت رغم أن المعايير المستهدفة لبيع الشركات كانت تعطي الأولوية للشركات الصغيرةوالمتوسطة.3_ أن البيع تم بالتقسيط رغم أن المبادئ الأساسية لتنفيذ برنامج الخصخصة كانت تنص علي أن يتم البيع نقداً.

4-ان المبالغ المستخدمة في الإصلاح الفني والإداري وإعادة الهيكلة للشركات المتعثرة بلغت 3.8 مليار جنيه فقط من إجمالي المبالغ التي حصلت عليها الشركات القابضة والتي بلغت 23.7 مليار جنيه.5_ تم عرض كثير من الشركات للبيع في وقت واحد مما أدي إلي انخفاض أسعار بيعها.6_ أن الجهاز المركزي للمحاسبات لم يعد له دور يذكر في عملية الخصخصة أو مراجعة تقييم الشركات المطروحة للبيع لأسباب أوردها التقرير .معني هذا أن حصيلة الخصخصة قد تم استخدامها في سداد مديونيات الشركات وإعادة الهيكلة وتمويل المعاش المبكر دون أن يتم استثمار هذه الحصيلة في إقامة مشروعات جديدة لتوفير فرص عمل وعائد أكبر لصالح المواطن المصري.وبما أن حصيلة بيع شركات القطاع العام خلال السنوات الأربع الماضية لم تتجاوز 2 مليار جنيه كما ذكر وزير الاستثمار في جريدة الأهرام بتاريخ 12/11/2008 فقد جاءت فكرة بيع مصر دفعة واحدة والتخلص من القطاع العام في صفقة واحدة بعيدا عن المعارضة الشعبية التي يتعرض لها برنامج الخصخصة كما حدث عند بيع عمر أفندي وبنك القاهرة .
ولتلعلم من الآن مآل هذا المشروع اللعين الذي يخدم سماسرة بيع بلدنا للخارج في المقام الاول ، سيتم الاستحواذ على هذه الاسهم لاصحاب الانساب والالقاب والحسب والمحافظ البنكنوتيه وللي يدفع اكتر ، ولن يتوانى المواطن الفقير ولن يتردد في بيع السهم الذي منــّو عليه به في اول ضائقة ما ( مع العلم بأن القطاع العام في الاساس مملوكاً للشعب فعلى اي اساس يعاد بيعه له ) حيث وجدنا من يبيع ابنائه ومن يبيع اعضائه فكيف بالله عليك سيبقي على سهم لا يعلم ولا يفهم في اموره شيئاً .
ليشرق علينا يوما نجد فيه انفسنا ضيوف وأغراب في بلدنا التي لم نعد لنا فيها سوى الاسم بعد ان قسمت الكعكه بين ذوي النفوذ . لا أدري ماذا يريد منا هذا الحزب وامانة سياسته ، وإلى اين يتجه بنا وإلى متى هذا التفنن والتفاني في تمزيق اوصالنا .
وبهذه المناسبه احب اهديه اغنية قد استمعت لها منذ فتره وأراها الآن خير معبر عن الواقعه تقول :
(( إلعب غيرها فغيرها فغيرها مع حد تاني مش عليا ، مع حد يسدأ انك بتعشق وتخيل عليه الحنيه ))
وأضيف :
العمـَّـه واسعه أوي المرادي وبتلؤ ....

15 قــل .. فـأ نـا احترم رأيك:

مولان يقول...

دي كارثه ياعمده بجد

مش عارفه هيحصل ايه بعد كده

ضد التيار يقول...

و انا بقرا البوست مش عارفه ليه حضر فى دماغى مشهد احمد السقا و هانى رمزى فى مسرحيه كده اوكيه لما نقل مصر كلها بره و هانى بيقوله هو فاضل ايه فى مصر؟؟؟

انا كنت على حد معرفتى ان فعلا القطاع العام ملك للشعب لكن بعد كده قولت اكيد انا قديمه جداااا و محتاجه تثقيف من جرنال ماتزوقينى ياماما صفحه مليون و3000

لما يلاقى الكل ساكت و ماحدش بيتكلم مستنى يعمل فى البلد ايه ؟؟؟

لما الشعب مصمم يلبس العمه من غير مايعترض ..يبقى بنلوم عليهم ليه ؟؟؟

صباح الصباح يقول...

دة بالضبط سيناريو ساخر وخيالى جدا للكاتب الكبير يوسف عوف

فيلم عاوز حقى

كلة بقى فى ارض الواقع يا مان

وادينى عقلك!!!!!!!

هبة النيــل يقول...

سيدي العبقري عماد

تخيل الموضوع بالنسبالي أكبر من كدا كمان

دلوقت مصر دي ملك "شعب مصر" منذ بدء الخليقة إلى يوم الدين

فبأي حق من هم أكبر من 21 سنة وفقط لهم الحق به

يا فندم دول هيدوا الشعب حاجة مش حقهم يوزعوها أصلا

فكر قصة وزير الثقافة اللي أعطى رئيس فرنسا قطعة أثرية "هدية"!!!!

مش بتاعته أصلا يديهالو ليه

وفعلا زي ما حضرتك قلت السيناريو

سيناريو شيطاني عبقري

بس بجد بحس فيهم بغبااااااااء

هو مدير المدرسة لما يسقط كل تلاميذها مش هيقفلوها؟؟؟

الناس دي فعلا على رأيك عاوزة ايه؟؟؟

طـــائر الليــــل الحـــــزين يقول...

الله يرحمك يا رجولة
مهى ايه لزمتها بقى بعد كل اللى بيحصل ده والناس برده واقفة تتفرج . مع انهم بيعرفوا يتكلموا كويس قوى
عارف
انا بقى افتكرت فيلم عايز حقى
واللى كان عايز يعمله هانى رمزى دلوقتى عايزيين يطبقوه هما فعلا . وده طبعا عشان محدش بيعترض او بيحاول يغير حاجة . الله يسامحهم هيعملوا ايه فى الناس اكتر من كده
تفتكر هينوبنا كام صك
والا احنا طبعا هيكون النصيب الأكبر لينا فى الصك على القفى
واديله
تحيــــــــاااااتى

غير معرف يقول...

فى حديثه بقناة الجزيرة فى سبتمبر الفين وأربعة قال الأستاذ محمد حسنين هيكل أنه خلال الثلاثين سنة الأخيرة حصلت مصر على 150 مليار دولارعلى شكل منح وقروض وهبات .. صرف منها حوالى 12 مليار دولارعلى مشاريع البنية الأساسية وستة مليارات دولارعلى مشروع مترو الأنفاق .. ومصيرالمبلغ الباقى غير واضح !!!! أين ذهب هذا المبلغ الضخم وهو " 130 مليار دولار" ؟.....؟

ارجو من كل من يقراء هذا ان يزور ( مقالات ثقافة الهزيمة) فى هذا الرابط:

www.ouregypt.us

mohamed ghalia يقول...

أنا عايز حقى
يا نهار أبيض البلد بتتباع بثمن موبايل
ربنا يستر من الأيام الجاية
تحياتى أخى العزيز
دمت بكل الود

ساسو يقول...

ياخوفي عليكي يامصر
ده مش فكر جديد
لاده الفقر الجديد
بجد ربنا يستر علينا

elsha3er يقول...

تسلم ايدك يا عماد حقا مصر للبيع موضوع يستحق المناقشة حسبى الله ونعم الوكيل وياريت يا عماد لو عندك فكرة نقدر نعتصم او نجمع اصوات للرفض على الموضوع دة انا معاك


تحياتى



احمد الشاعر

hager za3bal يقول...

الفيلم بتاع هاني رمزي بيمثلوه ع الحقيقه.. ناقص ايه تاني

وميض ابتسامة يقول...

عارف انا المواضيع دى بتسبب لى احباط اكثر من العادى .. يعنى انا مش عارف الناس دى شغالة فى وادى واحنا فى وادى تانى ..لكن للاسف بتجمعنا مصلحة واحدة احنا ملناش اى نصيب فيها .. لانها بتاعتهم لوحدهم .. واللى يقول غير كدة يبقى اكيد واحد منهم ...

تحياتى

من هزمتها الايام يقول...

الله عليك يا عمدة
والله مصر خلاص حالها اتلغبط
ربنا يستر
تحياتى الى العبقرى

طوبة ذهب وطوبة فضة يقول...

كل عام وانت بالف خير وصحه وسعاده والعيد اللى جاي تكون حققت كل ما تتمناه لك ولولى العهد ان شاء الله اخى العزيز

☼♫♪ عمــاد الدين يــوسف ☼♫♪ يقول...

مولان (....) سابقا
طبعا انا عارفك وزعلت منك انك غيرتي المدونه والاكونت كلو علشان شوية تفاهات
ما علينا
الموضوع اللي بيحصل ده هيملك مصر لأعداءها بالأمر المباشر
ربنا يستر
=====================
ضد
للأسف باين علينا كلنا هنشتري جرنال متزوقيني يماما قريب اوي لاننا معندناش خلفيه وأصحاب الخلفيات العريضه اللي مصدرنها لينا على طول باين عليهم ناويين يبيعونا بالمره وأهو مووووووووولد
=====================
صباح الصبح
انا عقلي اساسا مش معايا
انا يعم بظبط قفايا علشان الصك يظبط
هههههههههههههه
======================
هبة النيل
الناس ديه عيزانا نخرج في مظاهرات مخــربه تيجيعلى الاخضر واليابس وهما يهربو على بره ويبعتولنا الاحتلال ونرجع لأيام الانجليز والمماليك والاستعباد من تاني
======================
عزيزتي طائر
بجد الواحد لو مسيطرش على عقله الله وكيل ليتجنن ويمشي يكلم نفسو زي غالبية الناس
======================

الغالي محمد
فعلا ربنا يستر الموضوع زاد عن الحد
تحياتي
======================

ساسو
احلى تعبير سمعتو
الفقرالجديد
فعلا عندك حق ، باين كده الناس حسة مدى الزهق الللي بنعانيه قالو نغيرلهم
تحياتي
=========================

حبيبي احمد الشاعر
يا صحبي لو مصر كلها عملت ايتفتاء رفض للموضوع برضو هيلعبو في الاصوات او حتى توصل انهم يخرسوها
=========================

هاجر

الفيلم ابتدى وناقص التطبيق العملي

=========================

وميض

للاسف احنا مش بيجمعنا غير حاجه واحده بس ارض احنا خايفين عليها وهما طمعانين فيها ودمتم
==========================

من هزمتها
نورتي المدونه وياريت نشوفك على طول
==========================

اختي الخلوقه ذهب
كل عام وانتي بخير وصحه نفسيه وعافيه ان شاء الله
تحياتي

غير معرف يقول...

福~
「朵
語‧,最一件事,就。好,你西...............................................................................................................................-...相互
,以讓>它使...................