CLICK HERE FOR BLOGGER TEMPLATES AND MYSPACE LAYOUTS »

عـنــــي أنـــــــــا

صورتي
انسان يزعم أنه صاحب قضية .. في زمان بيعت فيه القضية

-----------------------------

جميع الحقوق محفوظة ، كافة المواد المنشورة في هذا الموقع محفوظة ومحمية بموجب قوانين حقوق النشر والملكية الفكرية لا يجوز نسخ هذه المواد أو إعادة إنتاجها أو نشرها أو تعديلها أو اقتباسها لخلق عمل جديد أو إرسالها أو ترجمتها أو إذاعتها أو إتاحتها للجمهور بأي شكل دون الحصول على إذن كتابي مسبق

الأحد، 5 أكتوبر 2008

فــصــفــصـــــــه .....



** بيعوا إتنزلووخصخصو

** وفـ جتتنا مزقو وفصصو

** عمولات على ودنو ونصصصو

** بيقولو استثمار وفـ المعنى لعبو ورقصو

** يعم من تحت الطربيزه عديها ولخصو

** لحسن الشرفا يحسو ويتفحصو

** يناس دول فـ امن البلد لعبو وفعصو

** على مرأى ومسمع ولسه بيلغوصو

** تقول بلدي تقول وطني يقولو بيهترصو

** وخدبالك وتأكد إن بيك هيتربصو

2LBGARE2


14 قــل .. فـأ نـا احترم رأيك:

صبرني يارب يقول...

المال السايب يعلم السرقه
احنا سايبين لهم مالنا وسايبين لهم بلدنا
نستاااااااااهل

أختكم فى الله يقول...

حضرتك بجد بتناقش مواضيع مهمة جدا

جزاك الله خيرا

طـــائر الليــــل الحـــــزين يقول...

عمـــــــــدة .....
هما للأسف مش بس بيبعوا املاكنا . لا كمان هما بيستعمونا وبيعتمدوا على اننا مش عارفيين معنى الخصخصة الحقيقى حتى لما حولوا يطبقوا العولمة . طبقوا الجزء اللى يخليهم مستفيديين وبس ومش مهم ان الشعب يجوع ويتسرق عينى عينك . بس ارجع واقولك اننا نستاهل طول مااحنا مغمضين عنينا وقفليين بقنا ومش فلحيين الا فى الكورة وفى قاعدة القهوة وطظ فى اى حاجة تانية .
أدعـــو اللــه أن يفيــــق أمــــة الأســـــلام .

ROSA E OLIVIER يقول...

Beautiful!

and for you...

"love is the one who masters all things"

Mawlãnã Rumi

غير معرف يقول...

السلام عليكم
ازيك يا عماد
عامل ايه
كل سنة وانت طيب
:) :)
حاااااااااااااضر انت تؤمر هاخد بالى وخده انت كمان لاننا الى سبناهم يعملوا كدة بس اصلا ما باليد حيلة هنعمل ايه
هما معاهم سلطة ومال وجاة وواكلينها والعة وكلهم ماشاء الله متماسكين جدا على الشر والسفة وشغالين الله ينور على كل حاجة
مش هنأثر فيهم الا لما مصر كلها تكون ايد واحدة وكمان ساعتها هيسكتونا ويسمعوا كلامنا لغاية اما نهدى وترجع ريما لعادتها القديمة
نيرة احمد محمود

غير معرف يقول...

اه
نسيت
مبرووووووووووووووووووووووك
النيو لوك بتاع المدونة احلى من القديم كتيييييييييير
نيرة احمد محمود

totaaaa يقول...

اول مرة ازور مدونة حضرتك واتشرفت بمعرفتى بيها لمواضيعها المتميزة والمختلفة

وفضفضة واقعية تقريبا اغلب الشعب المصرى بيفضفض بنفس الشكل يارب بس نكتفى بالفضفضة وننتقل لخطوات تالية

على فكرة :انا شوفت رسالتك الى الرئيس حسنى مبارك على اليوتيوب وعجبنى اسلوبك جدا فى الكلام وفى محاولة توصيل صوتك بطريقة محترمة بدون اى غلط

تقبل مرورى

ANGHAM ALLAM يقول...

يا باشا احنا اللي
اديناهم الفرصة دي
من الأول
فعلا
*الشعب المصري راحت أيامه
الفراعنة اتعشوا وناموا*

elsha3er يقول...

كلمات جميلة جدا يا عماد دمت مبدعا

احمد الشاعر

☼♫♪ عمــاد الدين يــوسف ☼♫♪ يقول...

صبرني يارب
شكرا لمرورك وتعقيبك
تحياتي
=============

اختكم في الله
لو مش هتكلم عن مصير بلدي وناسي ويشغل بالي مستقبلنا الي ملوش لون اومال ايه تاني ممكن يشغل الانسان
تحياتي
============

اختي منى العيسوي ( طائر الليل )
بصي يمنى للاسف كل النظريات الاقتصاديه والسياسيه المطبقه في بلادنا هي حق يراد به باطل لانها تطبق بعوار شديد لا يؤتي ثماره على أيا من المجالات السالفة الذكر
تحياتي
============

ROSA E OLIVIER
Thank you for visiting
Regards
============

نيره احمد
لا يسعني سوى قول حسبي الله ونعم الوكيل
والحمد لله ان اللوك الجديد عجبكو
تحياتي
============

totaaaa
اختي الفاضله اهلا وسهلا بيكي ضيفه عزيزه على الدوام واتمنى تكرار الزياره الغاليه
============

انغام علام
اي نعم احنا علينا دور كبير جدا في الحال الي وصلنالو بس برضو مش لازم نيأس وإلا الافضل نسيبلهم البلد ونهج
تحياتي
============

احمد الشاعر
حبيب قلبي شكرا على المتابعه والاطراء
تحياتي

saso يقول...

عجبنى اوى تعليق صبرنى يارب :

لان المال السايب يعلم السرقه


بس موقفك من البلد صعب اوى يا استاذ عماد

تفتكر ده البوست الكام اللى في مهاجمه ؟

يعنى لو جينا للنقطه اللى دايما بتتقال ومش بقولها تكرار لكن بقولها فعلا سؤال ليك ومحتاجه اجابه؟

هو مفيش حاجه خالص عجباك

كله باظ ولا ايه؟؟؟؟؟؟

الكلام حلو وموزون وتمام بس بحس بروح الهجوم اوووووى

تقبل تقديري وكلامى

سلام

لا للنميمة يقول...

السلام عليكم
طبعا سبق ان تشرفنا بالبوست ده
دلوقتى بقى
ممكن حضرتك تنورنا فى المدونة علشان عاوزين نظبط حبة حاجات كده
هههههههههههههه
-----------
حملتنا هى حملتكم فلا تبخلوا علينا بمساهماتكم

☼♫♪ عمــاد الدين يــوسف ☼♫♪ يقول...

اختي الكريمه saso
اولا شكرا لمرورك وتعليقك
واختلافك معايا في الراي لا يفسد احترامي لكي ولكل من له رأي ويختلف ويعلن اختلافه ومعارضته في حدود الآداب والاخلاق ، وإن كان عندك شك اني لا اتقبل النقد إذا فأنا رجل منافق من منافقي عصرنا الي اكتر من الهم على القلب
ثانياً : اختي الكريمه انا تعبت وزهقت من كتر نظري للجزء المليان من الكوب اللي في نقصان مستمر وسوف نفاجأ في يوم انه لم يعد هناك داخل الكوب ولا حتى رشفه
اختي الكريمه لست من انصار اللذين يهاجمون على مدار الوقت سواء وجد ما يدعو للمهاجمه او لا
ولعلمك انا اتحدى اي واحد يقرأ كتاباتي ويجد فيها شئ مكتوب عبثاً او من افتعال خيالي
كل ما اعلق عليه بالكتابه والصوره هو واقع ملموس معاش بيننا والكل كليله يعلم ويرى ذلك
اما اتهامك ليا بأن مفيش حاجه عجباني .....ارد واقولك الحجات الحلوه الموجوده في حياتنا قليله جدا وحتى ان كانت قليله فهي لا تحتاج لمديح لانها امور طبيعيه وهناك غيري من يرى الدنيا بمبي في بمبي والحقيقه انه من واجب الصحفي او حتى اي انسان عادي محاربة الفساد واظهار الخلل للناس وهذا ما اتشرف واقوم به بغية وجه الله وبلدي
ولا اسعى إلى اي مقابل
وصدقيني مفيش اسهل من ان الانسان يشتري دماغه ويكبر ويضرب بعرض الحائط كل ما هو كريه حوله
لماذا لا تسألي نفسك :
هو ليه مش بيشتري دماغة ؟
وزي ما انا رديت على سؤالك بكل صدق ووضوح ... انا مستني ردك
تحياتي

maxbeta3zaman يقول...

حلوة ياعمدة كلمتين فى السليم ...كمان الكريكاتير المصاحب جميل جدا .. بس حزر فزر الراجل المفلسع بالصرة ده حايروح على فين؟ ... بلد من اتنين ..والأتنين آخرهم نون؟؟؟